Meıramhanaǵa qonaq shaqyryp, týǵan kúnin toılatqan turǵyn jaýapqa tartyldy

Dýshanbe qalasynyń turǵyny Dılnoza Gaıbova Tájikstan Respýblıkasynyń «Dástúrlerdi, saltanattardy jáne rásimderdi retteý týraly» Zańynyń talaptaryn buzǵany úshin ákimshilik jaýapkershilikke tartyldy, dep jazady Qandastar.kz aqparat portaly.

Bul týraly Dýshanbe qalasy Ishki ister mınıstrligi basqarmasy habarlady.

IIM basqarmasynyń málimetinshe, elorda turǵyny qaladaǵy meıramhanalardyń birinde týǵan kúnin atap ótip, kóp qonaq shaqyrǵan. Bul áreket qoldanystaǵy zańnama talaptaryna qaıshy keledi. Zańǵa sáıkes, týǵan kún otbasy aıasynda jáne artyq shyǵynsyz ótkizilýge tıis.

Quqyqbuzýshylyq faktisin IIM-niń qylmystyq izdestirý bólimi qyzmetkerleri anyqtaǵan. Gaıbovaǵa qatysty Tájikstan Respýblıkasynyń Ákimshilik quqyqbuzýshylyqtar týraly kodeksiniń 482-baby boıynsha ákimshilik hattama toltyryldy. Materıaldar sotqa joldanyp, tıisti sheshim qabyldanatyn bolady.