Mektep dırektorlary bıýdjet qarjysyn býkmekerge jumsaǵan

Foto: ashyq derekkóz

Aqtóbe oblystyq prokýratýrasy mıllıondaǵan bıýdjet qarjysyn jymqyrǵan sport mektebiniń eki dırektoryna qatysty qylmystyq isti sotqa joldady, dep jazdy qandastar.kz

Prokýratýranyń málimetinshe, eki balalar men jasóspirimder sport mektebiniń dırektorlary sport alańdary men zaldaryn jalǵa berý qyzmetteri úshin alynǵan bıýdjetke tıesili qarajatty negizsiz ıemdengen.

Olar 12 mln teńgeden astam bıýdjet qarajatyn jeke qajettilikterine, sonyń ishinde býkmekerlik keńselerde jumsaǵan. Atalǵan faktiler boıynsha prokýratýra 2 qylmystyq isti tirkedi. Tergeýdi oblystyq Ekonomıkalyq tergeý departamenti júrgizdi.

10 qańtarda tergeý aıaqtalyp, qylmystyq is (ister biriktirildi) máni boıynsha  sotqa joldandy.