مەكتەپ وقۋشىسىن قاتارلاستارى «نەگە ورىسشا سويلەيسىڭ, رەسەيگە كەت» دەپ جىلاتقان

فوتو: سكرينشوت

YouTube الەۋمەتتىك جەلىسىندە كوزى جاسقا تولعان كىشكەنتاي قىزدىڭ ۆيدەوسى تارادى. مۇندا ول «نەگە ورىسشا سويلەيسىڭ, رەسەيگە كەت» دەپ قاتارلاستارىنان اۋىر ءسوز ەستىگەنىن ايتىپ, اناسىنا جىلايدى. تىلگە قاتىستى تۇيتكىلدى qandastar.kz تارقاتادى.

ۆيدەوجازبادا قىزعا «قازاقستاندا قوستىلدىلىك قولداۋ تاپپاۋ كەرەك ەدى» دەگەن وي ايتىلعانى كەلتىرىلگەن. بەينەجازبانىڭ استىنداعى «نە كەدەرگى, ءتىل ۇيرەن. بۇل ومىردە بۋمەرانگ بار» دەگەن ماتىندەگى كوممەنتاريلەر ەلدە رۋسوفوبيانىڭ بەلگىلەرى بارىن بايقاتاتىنىن ايتىپ وتىر كانال اۆتورى.

الايدا «لينگۆوفيۋرەرلىككە جول بەرمەۋ كەرەك. قازىر ءXXى عاسىر» دەگەن پىكىرلەر دە كەزدەسكەن ەكەن.

بەينەجازبادا كانال اۆتورى قازاق تىلىنە قارسىلىعىمىز جوق, بىراق ورىس ءتىلىن شەتتەتپەگەن دۇرىس دەپ وتىر. «ورىس ءتىلىن دە قازاق تىلىمەن بىردەي دەڭگەيگە كوتەرسە, مۇنداي ولقىلىق ورىن الماس ەدى. ءبىز رۋسوفوبياسىز قازاقستاندى قالايمىز» دەپ تۇيىندەيدى ءسوزىن بەينەروليك اۆتورى سەۆەرنىي كازاح.