Mektep jınalysynda balaǵat sóz aıtqan aqsýlyq ata-ana 73 myń teńge aıyppul tóledi

Foto: ashyq derekkóz

KAZINFORM —  Aqsý qalasyndaǵy mektepterdiń birinde WhatsApp messendjeri arqyly ótken ata-analar jınalysynda eresekterdiń biri balaǵat sóz aıtqan. Polıııa oǵan qatysty ákimshilik materıal toltyryp, sot 20 aılyq eseptik kórsetkish mólsherinde aıyppul saldy.

Belgili bolǵandaı, Aqsýdaǵy mektepterdiń birindegi 2-synyp ata-analary WhatsApp messendjeri arqyly mektep jınalysyn ótkizgen.

Áńgime barysynda ata-analardyń biri balaǵat sózder aıtqan. Ata-analar onyń bul ádepsizdigin unatpaı, aryz jazǵan.

— Usaq buzaqylyq faktisi boıynsha, ıaǵnı qoǵamdyq orynda aınalasyndaǵylarǵa balaǵat sózder aıtyp, ádepsizdik bildirgen er adamǵa qatysty ákimshilik materıal toltyryldy. Materıal sotta qaralyp, onyń sheshimimen zań buzýshyǵa 20 aılyq eseptik kórsetkish mólsherinde aıyppul salyndy. Aıta keteıik, jyl basynan beri osyndaı faktiler boıynsha Aqsý óńiriniń 124 turǵyny jaýapkershilikke tartyldy, — dep habarlady Aqsý qalasy polıııa bóliminiń jergilikti polıııa qyzmetiniń bastyǵy Aıdyn Júnisov.

Eske sala keteıik, áleýmettik jelide mas kúıde balaǵat sózder aıtqan turǵyn ustalǵan edi.