مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى

فوتو: اقوردا

قاسىم-جومارت توقاەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى, دەپ حابارلايدى qandastar.kz

جيىندا ۇلتتىق قاۋىپسىزدىك ستراتەگياسىن جۇزەگە اسىرۋ ءۇشىن قابىلدانعان ۇلتتىق قاۋىپسىزدىك تاۋەكەلدەرىن باسقارۋ جونىندەگى 2021-2025 جىلدارعا ارنالعان ءىس-قيمىل جوسپارىنا ساي بىلتىرعى اتقارىلعان جۇمىستاردىڭ ناتيجەلەرى قاراستىرىلدى.

ۇكىمەت پەن بىرقاتار سالالىق مەملەكەتتىك ورگاننىڭ باسشىلارى نەگىزگى كورسەتكىشتەردىڭ ورىندالۋى تۋرالى مالىمەت بەردى.

كەڭەس وتىرىسىندا ءالى دە پىسىقتاۋدى قاجەت ەتەتىن, سونىڭ ىشىندە قوعامدىق, ەكونوميكالىق, ەكولوگيالىق جانە اقپاراتتىق قاۋىپسىزدىك باعىتىنداعى ماسەلەلەر تالقىلاندى.

پرەزيدەنت ۇلتتىق قاۋىپسىزدىك ستراتەگياسىنىڭ ىسكە اسىرىلۋى ناقتى ناتيجەلەرمەن باعالانۋعا ءتيىس ەكەنىنە نازار اۋداردى. ونىڭ قوعام ءۇشىن ماڭىزى زور. بۇل رەتتە بارلىق سالانى دامىتۋ بارىسىندا ازاماتتار مەن مەملەكەتتىڭ قاۋىپسىزدىك فاكتورى ەسكەرىلۋگە ءتيىس.

وتىرىس قورىتىندىسى بويىنشا مەملەكەتتىك ورگاندارعا ناقتى تاپسىرما بەرىلدى.