جاڭالىقتار
مەملەكەت باسشىسىنىڭ جولداۋى الەمدىك ساياسي بەلسەندىلەر تاراپىنان قولداۋ تابۋدا
قاسىم-جومارت توقاەۆ نەعۇرلىم تەڭ جانە زاماناۋي قازاقستاندى قۇرۋعا باعىتتالعان ەكونوميكالىق رەفورمالار سەرياسىن جاريالادى. اڭگىمە ەڭ الدىمەن ءبىلىم بەرۋ جانە دەنساۋلىق ساقتاۋ سياقتى نەگىزگى سالالارداعى الەۋمەتتىك مەملەكەتتىڭ ءرولىن كۇشەيتۋ تۋرالى بولىپ وتىر.
سونداي-اق قازاقستان پرەزيدەنتى وڭدەۋشى سەكتوردا ناقتى ناتيجەلەرگە جىلدام قول جەتكىزۋگە باعىتتالعان بىرقاتار ماڭىزدى مىندەتتەر قويدى.
قازاقستان كۇتكەندەي 2029 جىلعا دەيىن جىلىنا 6-7 پايىز تۇراقتى ەكونوميكالىق وسىمگە قول جەتكىزسە, مەملەكەت دامۋ كورسەتكىشى بويىنشا الەمدىك كوشباسشىلار قاتارىندا بولادى. بۇل شەتەلدىك كومپانيالاردى سالىقتىق ىنتالاندىرۋ جانە قۇقىقتاردى قامتاماسىز ەتۋ, سونداي-اق جاڭا ينفراقۇرىلىمداردى پايدالانۋ ارقىلى شەتەلدىك ينۆەستيتسيالاردى كوبىرەك تارتۋ قاجەتتىلىگىن بىلدىرەدى.
وسى سەبەپتى قازاقستان ەۋرازيانىڭ ترانزيتتىك حابى رەتىندەگى ۇستانىمىن جانە رەسەيمەن, قىتايمەن جانە ازيا ەلدەرىمەن تاتۋ كورشىلىك قارىم-قاتىناسىن بەلسەندىرەك پايدالانۋى كەرەك.
اۋىل شارۋاشىلىعى جانە جاسىل ەكونوميكا سياقتى ستراتەگيالىق سالالاردا دا سولاي بولۋى كەرەك.
قورىتىندىلاي كەلە, ق.توقاەۆ ۇسىنعان جوسپار ونىڭ بيلىگىنىڭ جاڭاشىل باعىتىن راستاپ, ەكى جاڭا مينيسترلىكتىڭ (كولىك جانە سۋ رەسۋرستارى) قۇرىلۋى مەملەكەتتىڭ ەكونوميكالىق باعىتتىڭ كوشباسشىسى رەتىندەگى ءرولىن جانداندىراتىنىن اتاپ وتكەن ءجون.
ستەفانو ۆەرنول, (يتاليا)
جەرورتا تەڭىزى-ەۋرازيالىق زەرتتەۋلەر ورتالىعىنىڭ ۆيتسە-پرەزيدەنتى
