مەملەكەتتىك اتاۋلى الەۋمەتتىك كومەك كىمگە تاعايىندالادى

قازاقستان رەسپۋبليكاسى ازاماتتارى;
ورالماندار;
بوسقىندار, شەتەلدىكتەر, قازاقستان رەسپۋبليكاسىندا تۇراقتى تۇراتىن ازاماتتىعى جوق ادامدار.
اتاۋلى الەۋمەتتىك كومەك تاعايىنداۋدىڭ مىندەتتى شارتى كەدەيلىك شەگىنەن اسپايتىن ورتاشا جان باسىنا شاققانداعى تابىسى بولىپ تابىلادى. كەدەيلىك شەگى – كiرiستiڭ ادامنىڭ ەڭ از قاجەتiن قاناعاتتاندىرۋ ءۇشiن قاجەتتi شەگi, توقسان سايىن ەڭ تومەنگى كۇنكورىس دەڭگەيىنەن پايىزبەن انىقتالادى.
الەۋمەتتىك اتاۋلى كومەك تاعايىنداۋعا كىمنىڭ قۇقىعى جوق?

قازاقستان رەسپۋبليكاسىنىڭ «مەملەكەتتىك اتاۋلى الەۋمەتتىك كومەك تۋرالى» زاڭىنىڭ 2-بابىنىڭ 2-تارماعىنا سايكەس مەملەكەتتىك اتاۋلى الەۋمەتتىك كومەك الۋعا قۇقىعى جوق:
مۇگەدەكتەردى جانە ستاتسيونارلىق ەمدەلۋدە ءبىر ايدان استام ۋاقىت كەزەڭىندە بولاتىن ادامداردى,
كۇندىزگى وقۋ نىسانىندا وقيتىن وقۋشىلاردى,
ستۋدەنتتەردى, تىڭداۋشىلاردى, كۋرسانتتار مەن ماگيسترانتتاردى,
I جانە II توپتارداعى مۇگەدەكتەردى, سەكسەن جاستان اسقان ادامداردى, جەتى جاسقا دەيىنگى بالالاردى باعىپ-كۇتۋمەن اينالىساتىن ازاماتتاردى قوسپاعاندا,
حالىقتى جۇمىسپەن قامتۋ ورتالىقتارى ۇسىنعان جۇمىسقا, ونىڭ ىشىندە الەۋمەتتىك جۇمىس ورنىنا نەمەسە قوعامدىق جۇمىسقا ورنالاستىرۋدان, كاسىبي دايارلاۋدان, قايتا دايارلاۋدان, بىلىكتىلىگىن ارتتىرۋدان دالەلسىز سەبەپتەرمەن باس تارتقان, وسىنداي جۇمىستارعا قاتىسۋدى جانە وقۋدى ءوز بەتىنشە توقتاتقان جۇمىسسىزدارعا.
اتاۋلى الەۋمەتتىك كومەك تاعايىنداۋ ءۇشىن قايدا ءوتىنىش جاساۋ كەرەك?
مەملەكەتتىك اتاۋلى الەۋمەتتىك كومەك تاعايىنداۋ ءۇشىن قۇجاتتارمەن:
«وسكەمەن قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمى» مم-نە;
نەمەسە «ازاماتتارعا ارنالعان ۇكىمەت» مەملەكەتتىك كورپوراتسياسىنا ءوتىنىش جاساۋ قاجەت.
اتاۋلى الەۋمەتتىك كومەك تاعايىنداۋ ءۇشىن قاجەتتى قۇجاتتار تىزبەسى
اتاۋلى الەۋمەتتىك كومەك تاعايىنداۋ كەلەسى قۇجاتتار پاكەتىنىڭ نەگىزىندە جۇزەگە اسىرىلادى:
بەلگىلەنگەن ۇلگى بويىنشا ءوتىنىش;
ءوتىنىش بەرۋشىنىڭ جەكە كۋالىگى;
وتباسىنىڭ قۇرامى تۋرالى مالىمەتتەر;
ءوتىنىش بەرۋشىنىڭ وتباسى مۇشەلەرىنىڭ العان تابىستارى تۋرالى مالىمەتتەرى;
جەكە قوسالقى شارۋاشىلىعى تۋرالى مالىمەتتەر;
تۇرعىلىقتى جەرى بويىنگا تىركەۋىن راستايتىن قۇجات نەمەسە مەكەنجايلىق انىقتاما;
جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسقان جاعدايدا الەۋمەتتىك كەلىسىم شارتتىڭ كوشىرمەسى.
«مەملەكەتتىك اتاۋلى الەۋمەتتىك كومەك تاعايىنداۋ» مەملەكەتتىك قىزمەت كورسەتۋ مەرزىمى
«مەملەكەتتىك اتاۋلى الەۋمەتتىك كومەك تاعايىنداۋ» مەملەكەتتىك قىزمەت ستاندارتىمەن قىزمەت بەرۋشىمەن قۇجاتتار پاكەتىن تىركەۋ ساتىنەن مەملەكەتتىك قىزمەتتەردى كورسەتۋ مەرزىمى – 7 (جەتى) جۇمىس كۇنى بەلگىلەنەدى.
اتاۋلى الەۋمەتتىك كومەك مولشەرى قالاي انىقتالادى?
«مەملەكەتتىك اتاۋلى الەۋمەتتىك كومەك تۋرالى» زاڭىنىڭ 7-بابىنا سايكەس ادامعا (وتباسىنا) اتاۋلى الەۋمەتتىك كومەكتىڭ مولشەرىن ۋاكىلەتتى ورگان جان باسىنا شاققانداعى ورتاشا تابىس پەن وبلىستاردا (رەسپۋبليكالىق ماڭىزى بار قالادا, استانادا) وتباسىنىڭ ءاربىر مۇشەسىنە ەسەپتەلگەن كەدەيلىك شەگىنىڭ بەلگىلەنگەن ايىرماسى تۇرىندە ەسەپتەيدى. وتباسىنىڭ قۇرامى جانە تابىستار وزگەرگەن جاعدايدا تاعايىندالعان اتاۋلى الەۋمەتتىك كومەكتىڭ مولشەرى قايتادان ەسەپتەلەدى.