Memlekettik tildi úırenem deýshiler úshin jańa múmkindikter paıda bolady.

Memlekettik tildi úırenem deýshiler úshin jańa múmkindikter paıda bolady. Ol úshin qazaq tilin meńgerý men dıalog qurý alańdary uıymdastyrylyp, aqparattyq jobalar iske asyrylmaq. Búgin elordada ótken Qazaqstan halqy Assambleıasy men Halyqaralyq «Qazaq tili» qoǵamy memorandýmǵa qol qoıdy. Qazaqstanda meken etetin ózge ult ókilderi qazaq tilin qosymsha úırený úshin Assambleıa aıasyndaǵy ortalyqtarǵa júginedi. Iaǵnı, bas qosý platformasy bar. Endi onyń mazmunyn baıyta túsý kerek. Sol úshin atalǵan taraptar yntymaqtastyqtyń jańa deńgeıine qadam basýǵa ýaǵdalasty. Raýan Kenjehanuly, halyqaralyq «Qazaq tili» qoǵamy prezıdenti: — Qazaq tiliniń memlekettik til retinde elimizdegi túrli ulttardy biriktiretin úlken múmkindigi bar. Osy baǵytta shynynda da osyndaı azamattarǵa kómekshi bola alatyn, tirek bola alatyn, demeý jasaı alatyn túrli jobalarǵa, bastamalarǵa negiz bolmaqshy.