مەملەكەتتىك جاستار ساياساتىن جەتىلدىرە ءتۇسۋ كەرەك

مەملەكەتتىك جاستار ساياساتىن ودان ءارى جەتىلدىرۋ كەرەك. بۇگىن قازاقستان رەسپۋبليكاسىنىڭ 2029 جىلعا دەيىنگى مەملەكەتتىك جاستار ساياساتىنىڭ تۇجىرىمداماسىنا وزگەرىستەر ەنگىزۋ بويىنشا تالقىلاۋدا وسىنداي ۇسىنىس ايتىلدى. سونىمەن قاتار, تۇرعىن ۇيمەن قامتاماسىز ەتۋ, جۇمىسپەن قامتۋ, الەۋمەتتىك باعدارلامالار مەن وڭىرلەردە قاجەتتى ينفراقۇرىلىمدى دامىتۋدىڭ ماڭىزى دا ءسوز بولدى.

مادەنيەت جانە اقپارات ۆيتسە-ءمينيسترىنىڭ توراعالىعىمەن وتكەن جيىنعا ءتۇرلى سالالاردىڭ ساراپشىلارى, ينستيتۋتتار, عىلىمي قاۋىمداستىقتاردىڭ جانە ۇكىمەتتىك ەمەس ۇيىمداردىڭ وكىلدەرى قاتىستى. مامانداردىڭ ايتۋىنشا, جاستارعا ارنالعان جاعىمدى ورتا قالىپتاستىرۋ جانە ولاردىڭ دامۋىنا نەعۇرلىم قولايلى جاعداي جاساۋ كەرەك.