«مەن السىزدەردى ۇرمايمىن, رەنجىتپەيمىن»: قۋات حاميتوۆ اسحات تاعىبەرگەن جايلى ايتتى

فۋتبولدان قازاقستان پرەمەر-ليگاسىنىڭ 17-تۋرىندا «توبىل» مەن «اقتوبە» كەزدەسكەن. وسى ماتچتان كەيىن «توبىل» ويىنشىسى اسحات تاعىبەرگەن «اقتوبە» جانكۇيەرلەرىنىڭ قىسىمىنا شىداماي ەموتسيا ءبىلدىردى, دەپ جازدى Qandastar.kz 1bol.kz-كە سىلتەمە جاساپ.

اشۋعا بوي الدىرعان اياقدوپ شەبەرى جانكۇيەردى «بىرگە-ءبىر كەلشى, كەلە المايسىڭ عوي» دەدى. وسى ءساتتىڭ ۆيدەوسى جەلىدە تاراپ, وقىرمان اراسىندا قىزۋ تالقىعا ءتۇستى. بۇل ۆيدەونىڭ استىنا پىكىر جازعاندار اراسىندا ارالاس جەكپە-جەك شەبەرى قۋات حاميتوۆ تا بار.

ول الدىمەن «بازار جوق» دەپ جازدى. سوسىن جەلى قولدانۋشىلارى قۋاتقا اسحاتپەن جەكپە-جەككە شىقسا, شاماسى جەتپەيتىنىن ايتقان.

«مەن السىزدەردى ۇرمايمىن, رەنجىتپەيمىن», — دەدى ارالاس جەكپە-جەك شەبەرى.