Men halyqqa bergen ýádelerimdi mindetti túrde oryndaımyn – Toqaev

Men halyqqa bergen ýádelerimdi mindetti túrde oryndaımyn. Bul týraly búgin 6-shaqyrylymdaǵy Parlamenttiń 5-shi sessııasyn ashqan Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Biz elimizdiń jańa tarıhyndaǵy mańyzdy beleske jaqyndap kelemiz. 30 jylǵa jýyq ýaqyt buryn halqymyz óziniń Táýelsizdigin jarııalap, babalarymyzdyń ǵasyrlar boıy ańsaǵan armanyn oryndady. Osy  ýaqyt ishinde Qazaqstannyń Tuńǵysh Prezıdenti – Elbasy Nursultan Nazarbaevtyń  basshylyǵymen elimiz álemdegi bedeldi ári ornyqty  memleketke aınaldy. Baıandy birligimizdiń arqasynda Táýelsizdigimizdi nyǵaıtyp, halqymyzdyń jaǵdaıyn jaqsartýǵa jol ashtyq. Bul jasampazdyq pen ilgerileý, beıbitshilik pen kelisim kezeńi boldy. Elimizdiń damý jolyn búkil álem moıyndap, qazaqstandyq, ıaǵnı Nazarbaev modeli dep atady», – dedi Memleket basshysy. Qazaqstan Prezıdenti  qazir bizge Táýelsizdiktiń jetistikterin eselep, elimizdi damýdyń jańa sapalyna kezeńine shyǵarý  múmkindigi berilip otyrǵanyn aıtty. «Biz buǵan Elbasy  saıasatynyń sabaqtastyǵyn saqtap, júıeli reformalar  júrgizý arqyly qol jetkize alamyz. О́zderińizge belgili, osynyń bári meniń saılaýaldy baǵdarlamamnyń negizi boldy. Qazir memlekettik organdar ony júzege asyrý úshin tıisti jumystar júrgizýde. Men halyqqa bergen ýádelerimdi mindetti túrde oryndaımyn», – dedi Q.Toqaev.