«مەن ءۇشىن ولار ءارامشوپ»: الماتى تۇرعىنى رەسەيلىكتەردى بالاعاتتاعانى ءۇشىن قاماۋعا الىندى

فوتو: اشىق دەرەككوز

الماتى تۇرعىنى رەسەيلىكتەردى بالاعاتتاعانى ءۇشىن قاماۋعا الىندى. بۇل تۋرالى Stan.kz اقپارات اگەنتتىگى حابارلايدى.

جەلىدە تاراعان ۆيدەودا بىرنەشە ادامنىڭ تىكەلەي ەفيردە وتىرعانىن بايقاۋعا بولادى. ەفير بارىسىندا مارال جالەلوۆا ەسىمدى قولدانۋشى ورىستار تۋرالى جاعىمسىز پىكىر بىلدىرگەن. ول “ورىستار قازاقستاننان كەتسە, ءومىر ءسۇرۋ وڭاي بولاتىنىن” ايتقان.

«مەنى وتىرعىزعىلارىڭ كەلسە, وتىرعىزا بەرىڭدەر. مەن زاڭدى بۇزىپ جاتقان جوقپىن. كەتسە, ءومىر قانشالىقتى جەڭىلدەيتىنى بەلگىلى. مەن ءۇشىن ولار – ءارامشوپ. مەنىڭ ەشنارسەم جوق. مەن گيتلەر جاقسى دەسەم, ساعان ۇناي ما», – دەدى مارال جالەلوۆا ەسىمدى قولدانۋشى جەلىدە تاراعان ۆيدەودا.

قۇقىق قورعاۋ ورگاندارىنىڭ مالىمەتىنشە, قازىر الماتىلىق تۇرعىنعا قاتىستى تەرگەۋ ءجۇرىپ جاتىر.

“ادەپسىز سوزدەر ايتىپ, ۇلتتى بالاعاتتاعان الماتى تۇرعىنى ۇستالدى. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر», – دەپ حابارلادى الماتى قالاسى پوليتسيا دەپارتامەنتىنىڭ وكىلدەرى.

ەسكە سالساق, وسىعان دەيىن قوستانايدا تاكسي جۇرگىزۋشىسىن بالاعاتتاعان ايەل ۇلتارالىق ارازدىقتى قوزدىردى دەپ ايىپتالعانىن جازعانبىز.