«Men úshin olar aramshóp»: Almaty turǵyny reseılikterdi balaǵattaǵany úshin qamaýǵa alyndy

Foto: ashyq derekkóz

Almaty turǵyny reseılikterdi balaǵattaǵany úshin qamaýǵa alyndy. Bul týraly Stan.kz aqparat agenttigi habarlaıdy.

Jelide taraǵan vıdeoda birneshe adamnyń tikeleı efırde otyrǵanyn baıqaýǵa bolady. Efır barysynda Maral Jalelova esimdi qoldanýshy orystar týraly jaǵymsyz pikir bildirgen. Ol “Orystar Qazaqstannan ketse, ómir súrý ońaı bolatynyn” aıtqan.

«Meni otyrǵyzǵylaryń kelse, otyrǵyza berińder. Men zańdy buzyp jatqan joqpyn. Ketse, ómir qanshalyqty jeńildeıtini belgili. Men úshin olar – aramshóp. Meniń eshnársem joq. Men Gıtler jaqsy desem, saǵan unaı ma», – dedi Maral Jalelova esimdi qoldanýshy jelide taraǵan vıdeoda.

Quqyq qorǵaý organdarynyń málimetinshe, qazir almatylyq turǵynǵa qatysty tergeý júrip jatyr.

“Ádepsiz sózder aıtyp, ultty balaǵattaǵan Almaty turǵyny ustaldy. Atalǵan fakti boıynsha sotqa deıingi tergeý amaldary júrgizilip jatyr», – dep habarlady Almaty qalasy polıııa departamentiniń ókilderi.

Eske salsaq, osyǵan deıin Qostanaıda taksı júrgizýshisin balaǵattaǵan áıel ultaralyq arazdyqty qozdyrdy dep aıyptalǵanyn jazǵanbyz.