مەرەكە قارساڭىندا ۇوس ارداگەرلەرىنە قانشا تەڭگە بەرىلدى?

ۇوس ارداگەرلەرىنە جەڭىس كۇنىنە بىرجولعى ماتەريالدىق كومەك تۇرىندە 545 ملن تەڭگە تولەندى, دەپ حابارلايدى qandastar.kz

بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس انافين مالىمدەدى.

ۇوس-دا جەڭىسكە ۇلەس قوسقان وزگە دە ساناتتارداعى ازاماتتارعا دا 50-دەن 200 مىڭ تەڭگەگە دەيىنگى مولشەردە الەۋمەتتىك كومەك كورسەتىلدى.

ۆيتسە-مينيستر بيىلعى 8 مامىرداعى جاعداي بويىنشا قازاقستاندا ۇلى وتان سوعىسىنىڭ (بۇدان ءارى – ۇوس) 105 ارداگەرى, سونداي-اق ۇوس جەڭىسىنە ۇلەس قوسقان 40 707 ازامات تۇراتىنىن ايتتى.

بۇدان باسقا, جەرگىلىكتى وكىلدى ورگانداردىڭ ء(ماسليحاتتاردىڭ) شەشىمى بويىنشا بيۋدجەت مۇمكىندىكتەرىنە قاراي ءار وڭىردە جەكە بەلگىلەنەتىن بىرجولعى ماتەريالدىق كومەك بەرۋ جىل سايىنعى داستۇرگە اينالدى.

«جەڭىستىڭ 80 جىلدىعىن مەرەكەلەۋ قۇرمەتىنە بۇكىل ەل بويىنشا جەرگىلىكتى اتقارۋشى ورگاندار ۇوس ارداگەرلەرىنە بىرىڭعاي مولشەردە – 5 ملن تەڭگە كولەمىندە بىرجولعى الەۋمەتتىك كومەك كورسەتتى», – دەدى ولجاس انافين.