مينيستر قازاقستان +7-دەن +997 كودىنا نەلىكتەن اۋىسپاعانىن ايتتى

تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ «+7 كودىندا قالا بەرۋ تۋرالى» قاۋلىعا قاتىستى تۇسىنىكتەمە بەردى,-دەپ حابارلايدى Qandastar.kz

«+7-ءنى قولدانۋ ادامدارعا ىڭعايلى دەپ ويلايمىز. ادامدارعا تەلەفون كونتاكتىلەرىن اۋىستىرماۋ ءۇشىن قالا بەرگەنى دۇرىس. اناليز بەن كونسۋلتاتسيا ناتيجەسىندە وسىنداي شەشىمگە كەلدىك»,- دەدى مينيستر ماديەۆ. ول سونداي-اق +997-گە اۋىستىرۋعا قانشا قارجى كەتكەنىن ايتا المايتىنىن مالىمدەدى. «+997-گە اۋىستىرۋعا قانشا قاراجات كەتكەنىن ايتا المايمىن»,- دەدى مينيستر. ايتا كەتەيىك, 14 ماۋسىمدا «اشىق نقا» پورتالىندا قازاقستان قانداي تەلەفون كودىن قولداناتىنى تۋرالى قۇجات جاريالاندى. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى دۇنيەجۇزىلىك نومىرلەۋدىڭ 7-ايماعىنىڭ نومىرلەنۋىن بىرلەسىپ پايدالانۋ تۋرالى كەلىسىمگە قول قويۋ تۋرالى ۇكىمەت قاۋلىسىندا قازاقستان +7 تەلەفون كودىن پايدالانۋدى جالعاستىراتىنى جازىلعان.