جاڭالىقتار
مينيستر كەيبىر ماماندىقتا وقيتىن ستۋدەنتتەردى اسكەردەن بوساتۋدى ۇسىندى
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازاقستانداعى تەحنيكالىق مامانداردىڭ تاپشىلىعىن ەڭسەرۋدىڭ جولى رەتىندە ولاردى اسكەردەن بوساتۋدى سۇرادى,-دەپ حابارلايدى Qandastar.kz
سونىمەن قاتار ول ەلىمىزدىڭ كوللەدجدەرىندە سەرجانتتار دايىنداۋعا بولاتىنىن جەتكىزدى.
“تەحنيكالىق ماماندىقتار بويىنشا وقۋ ورىندارىن بىتىرگەن ادامداردى اسكەري بورىشىن وتەۋدەن بوساتۋ تۋرالى ماسەلەنى قاراستىرۋدى جانە كوللەدجدەردە سەرجانتتار قۇرامىن دايارلاۋعا جانە اسكەري دايارلىقتان وتۋگە باعىتتالعان اسكەري كافەدرالار اشۋدى ۇسىنامىن”, – دەدى سۆەتلانا جاقىپوۆا ۇكىمەت وتىرىسىندا.
ول سونداي-اق حالىقارالىق كەلىسىمشارتتار بويىنشا شەتەلدە جۇمىس ىستەگىسى كەلەتىن جاستارعا دايىندىق كۋرستارىن ۇيىمداستىرۋ ورتالىقتارىن اشۋ جوسپارلارى تۋرالى ايتتى. مۇنداي ورتالىقتار شقو, تۇركىستان جانە الماتى وبلىستارىندا اشىلماق.
