مينيسترلىك مەملەكەتتىك رامىزگە وزگەرىس ەنگىزۋ ءۇشىن جالپىحالىقتىق رەفەرەندۋم وتكىزۋ كەرەگىن ايتتى

فوتو: egemen.kz

مادەنيەت جانە اقپارات مينيسترلىگى ەلتاڭبانى اۋىستىرۋعا قاتىستى ماسەلەنىڭ جۇرگىزىلۋ ءتارتىبىن مالىمدەدى. حابارلاۋىنشا, مەملەكەتتىك رامىزدەرگە وزگەرىس ەنگىزۋ ءۇشىن جالپىحالىقتىق رەفەرەندۋم وتكىزۋ قاجەت. بۇل تۋرالى Stan.kz اقپارات اگەنتتىگى حابارلايدى.

كونستيتۋتسيانىڭ 54-بابىنا سايكەس مەملەكەتتىك رامىزدەرگە ەنگىزىلەتىن كەز كەلگەن وزگەرىستەر مەن تولىقتىرۋلار اۋەلى پارلامەنتتە قارالىپ, كەيىن جالپىحالىقتىق داۋىس بەرۋ ارقىلى شەشىلەدى.

سونىمەن بىرگە مينيسترلىك شەت ەلدەردەگى مەملەكەتتىك رامىزدەرگە وزگەرىستەر ەنگىزۋ ماسەلەسىنە دە تالداۋ جۇرگىزگەن ەكەن. الايدا ەل اۋماعىندا توتەنشە جاعدايلاردىڭ بولۋىنا بايلانىستى توقتاتىلعانىن مالىمدەدى.

ايتا كەتەيىك, پرەزيدەنت قاسىم-جومارت توقاەۆ ۇلتتىق قۇرىلتايدىڭ كەزەكتى وتىرىسىندا ەلتاڭبانى وزگەرتۋ تۋرالى شەشىم جالپى كەلىسىم بولعان جاعدايدا قابىلدانۋى مۇمكىن ەكەنىن ايتقان ەدى.

ول قوعامدىق تالقىلاۋلار وتكىزۋ ءۇشىن ارنايى كوميسسيا قۇرۋدى, سودان كەيىن قازاقستاننىڭ جاڭا مەملەكەتتىك ەلتاڭباسىنىڭ ەڭ ۇزدىك ەسكيزىنە اشىق كونكۋرس جاريالاۋدى ۇسىنعان. –

ءساۋىر ايىنىڭ باسىندا قارجى ءمينيسترى ءمادي تاكيەۆ سۋ تاسقىنىنا بايلانىستى ەلتاڭبانى وزگەرتۋ تۋرالى شەشىمدى كەيىنگە قالدىرۋ كەرەك دەگەن پىكىر بىلدىرگەن. قارجى مينيسترلىگى قۇزىرلى ورگاننىڭ ساۋالىنا بەرگەن جاۋابىندا بيىل مادەنيەت مينيسترلىگى جاڭا ەلتاڭبانى شىعارۋعا قوسىمشا شىعىن جاريالاماعانىن ايتتى.

ال جاقىندا مادەنيەت جانە اقپارات مينيسترلىگى ەلتاڭبانى وزگەرتۋ ماسەلەسى جاقىن ارادا قاراستىرىلمايتىنىن مالىمدەگەن ەدى.