Mınıstrlik memlekettik rámizge ózgeris engizý úshin jalpyhalyqtyq referendým ótkizý keregin aıtty

Foto: egemen.kz

Mádenıet jáne aqparat mınıstrligi eltańbany aýystyrýǵa qatysty máseleniń júrgizilý tártibin málimdedi. Habarlaýynsha, memlekettik rámizderge ózgeris engizý úshin jalpyhalyqtyq referendým ótkizý qajet. Bul týraly Stan.kz aqparat agenttigi habarlaıdy.

Konstıtýııanyń 54-babyna sáıkes memlekettik rámizderge engiziletin kez kelgen ózgerister men tolyqtyrýlar áýeli Parlamentte qaralyp, keıin jalpyhalyqtyq daýys berý arqyly sheshiledi.

Sonymen birge mınıstrlik shet elderdegi memlekettik rámizderge ózgerister engizý máselesine de taldaý júrgizgen eken. Alaıda el aýmaǵynda tótenshe jaǵdaılardyń bolýyna baılanysty toqtatylǵanyn málimdedi.

Aıta keteıik, prezıdent Qasym-Jomart Toqaev Ulttyq quryltaıdyń kezekti otyrysynda eltańbany ózgertý týraly sheshim jalpy kelisim bolǵan jaǵdaıda qabyldanýy múmkin ekenin aıtqan edi.

Ol qoǵamdyq talqylaýlar ótkizý úshin arnaıy komıssııa qurýdy, sodan keıin Qazaqstannyń jańa memlekettik eltańbasynyń eń úzdik eskızine ashyq konkýrs jarııalaýdy usynǵan. –

Sáýir aıynyń basynda qarjy mınıstri Mádı Takıev sý tasqynyna baılanysty eltańbany ózgertý týraly sheshimdi keıinge qaldyrý kerek degen pikir bildirgen. Qarjy mınıstrligi quzyrly organnyń saýalyna bergen jaýabynda bıyl Mádenıet mınıstrligi jańa eltańbany shyǵarýǵa qosymsha shyǵyn jarııalamaǵanyn aıtty.

Al jaqynda Mádenıet jáne aqparat mınıstrligi eltańbany ózgertý máselesi jaqyn arada qarastyrylmaıtynyn málimdegen edi.