مينيسترلىك پىكىر ءبىلدىردى: سەمەيدە مۇعالىم شىرشا بەزەندىرىپ, جاراقات العان

فوتو: جەكە قورىنان

سەمەي قالاسىندا مۇعالىمدەردى جاڭاجىلدىق شىرشانى بەزەندىرۋگە تارتقان. شارا بارىسىندا مۇعالىم جاراقات الدى, دەپ جازدى qandastar.kz

مينيستر وقيعاعا قاتىستى مىناداي پىكىر ءبىلدىردى.

“پەداگوگتەردى كاسىبي مىندەتتەرىنە جاتپايتىن مۇنداي جۇمىستارعا تارتۋ – «پەداگوگ مارتەبەسى تۋرالى» زاڭدى ورەسكەل بۇزۋ دەپ سانايمىن. بۇل وقيعاعا بايلانىستى وبلىس باسشىلىعى ءادىل ءارى جان-جاقتى تەكسەرۋ جۇرگىزىپ, الداعى ۋاقىتتا مۇنداي كەلەڭسىزدىكتەردىڭ قايتالانۋىنا جول بەرمەۋ ءۇشىن ءتيىستى شارالار قابىلدايدى دەپ ۇمىتتەنەمىن.

مەملەكەت باسشىسى پەداگوگتەردىڭ قوعامداعى رولىنە ەرەكشە ءمان بەرىپ, ولاردىڭ قۇقىقتارىنىڭ «پەداگوگ مارتەبەسى تۋرالى» زاڭ اياسىندا قاتاڭ ساقتالۋىن ءاردايىم نازاردا ۇستاپ كەلەدى. وسى ورايدا ءبىلىم باسقارمالارى مەن ءبولىم باسشىلارىنا زاڭ تالاپتارىن قاتاڭ ورىنداۋعا ەرەكشە نازار اۋدارۋدى ەسكەرتەمىن.

قۋات ايتقاليەۆتىڭ وتباسىنا شىنايى قولداۋ بىلدىرە وتىرىپ, ونىڭ تەزىرەك ساۋىعۋىن تىلەيمىن. قازىرگى ۋاقىتتا وعان بارلىق قاجەتتى مەديتسينالىق كومەك كورسەتىلىپ جاتىر. بۇل جاعداي ەرەكشە باقىلاۋعا الىندى”,- دەپ جازدى مينيستر.