Mınıstrlik «shaın mýskat» júzimin zerthanaǵa tekserýge jiberdi

Foto: ashyq derekkóz

Júzimdi densaýlyq saqtaý mınıstrligi zerthanaǵa tekserýge jiberdi, dep habarlady qandastar.kz

KTK telearnasynyń málimdeýinshe, nýtrııologtar onyń quramyndaǵy qant ózimizdiń ońtústikte ósirilgen júzimnen áldeqaıda kóp dep deıdi. Dýbaı shokoladyn shań qaptyrǵan «shaın mýskattyń» baǵasy da qymbat. Alǵash ret Japonııada óndirilgen erekshe jemis túri az ýaqytta Ońtústik Koreıany jaýlap, artynsha jarnamasy jeldeı esip, búkil álemge tarady. Bizde de ishken-jegenin salǵysh blogerler osy jemiske jurttyń qyzyǵýshylyǵyn arttyryp jiberdi.

Áleýmettik jelide keńinen taralǵan shine muscat júzimi Astanadaǵy bazarlarda samsap tur.

Bir qaraǵanda pishini óte úlken, kádimgi júzimderden eki-úsh ese úlken eken. Al dámi… Qabyǵy juqa, qytyrlaq, dámi til úıiredi, kıvıdiń dámine uqsaıdy, shyryny mol. Qazirgi zamanda árkimde «tobyr ınstınkti» oınap, jurttan qalmaý úshin álekke túsetin kórseqyzar kóp. Búginde osy bir dánegi joq jemispen urtyn toltyryp,  qytyrlata jep vıdeo túsirý sánge aınaldy. Belgili bir áleýmettik statýstyń belgisine aınaldy ma dersiń…Esesine, satýshylar temirdi qyzǵan kezde soǵyp, saýdasyn ábden qyzdyrǵan. Ákelgen taýary sol kúnde-aq taýsylyp qalyp jatyr.

«Bunyń satylymǵa shyqqanyna bir aptadaı boldy. Segiz myńnan boldy, ıaǵnı bir qapshyǵy, kelisi. Qazir bes myń teńgeden bolyp jatyr. Satyp almas buryn, Astana qalasynda kóterme bazardan tekserip, asyqpaı, ózim dámin kórdim, zerthanadan shyqqan qaǵazyn tekserdik», – deıdi satýshy Arman Artyqbaev.

О́tken aıda Taıland zerthanalarynda Shine muscat júziminiń 24 synamasy tekserilip, onyń 23-inde ýly hımııalyq qaldyqtar tabylǵan. Muny bilgen Taı bıligi óre túregelip, zııandy ónimniń satylymyna tyıym saldy. Al Qazaqstanǵa sol Koreı elinen de, kórshiles Qytaıdan da júzimder jáshik-jáshigimen erkin tasymaldanyp jatyr. Jaýapty vedomstvo endi ǵana sórelerde tórden oryn alǵan jemisti tekserýdi bastaǵanyn jetkizdi.

«Mınıstrlik komıtetiniń aımaqtyq departamentteri baqylaýǵa satyp alý maqsatynda osy júzimdi satyp alyp, qazir saraptaýǵa, zerthanaǵa joldady. Qazir satylymnan alynǵan ónimder tekserilip jatyr. Mıkotoksınder, toksındi elementter, pestııdter jáne de t.b. qaýipsizdik talap boıynsha tekseris júrgizilip jatyr. Shine muscat júzimine qatysty ýlaný faktici ázirge tirkelgen joq jáne de tutynýshy tarapynan aryz-shaǵym túspedi», – deıdi DSM Sanıtarııa-epıdemıologııany baqylaý komıtetiniń bas sarapshysy Danagaúl Qasqataeva.

Degenmen nýtrııolog mamandar júzimniń osy túrin tutynbas buryn, ony muqııat as sodasymen jýyp alýǵa keńes beredi. Sondaı-aq, satýshylardan taýardyń qaýipsizdik sertıfıkatyn suraý kerek ekenin aıtady.

«Basqa júzimdermen salystyrǵan kezde qant deńgeıi joǵaryraq. Ony tasymaldaý, saqtaý úshin, ony ósirý kezinde qoldanylatyn hımııalyq qospalar, ıaǵnı pestııdter mólsheri joǵary bolýy múmkin. Iaǵnı ortalyq júıke júıesine, as qorytý júıesine keri áserin, qaýipti áserin tıgizedi. Qant dıabeti bar adamdarǵa óte zııan. Al pestııdter barlyq adamǵa zııan. Ásirese osal top, ol bizde balalar men qart adamdar», – deıdi Astana medıınalyq ýnıversıteti profılaktıkalyq medıına ǵylymı zertteý ınstıtýtynyń oqytýshysy Qarlyǵash Súıindik.