مينۋتىنا 17 مىڭ ءسوز وقيتىن اقتاۋلىق وقۋشى كوپشىلىكتى تاڭعالدىردى

اقتاۋ قالاسىنىڭ 6-سىنىپ وقۋشىسى سامير ۆالەري تۋرالى مينۋتىنا 17 مىڭ ءسوز وقيدى, دەپ حابارلايدى Qandastar.kz اقپارات پورتالى.

وقۋ-اعارتۋ مينيسترلىگى «100 جاڭا ەسىم — 100 نوۆىح ليتس» ايدارى اياسىندا قابىلەتى كەز-كەلگەندى تاڭعالدىراتىن اقتاۋ قالاسىنىڭ 6-سىنىپ وقۋشىسى سامير ۆالەري تۋرالى ۆيدەو جۇكتەدى.

ەكى جىل بۇرىن سامير مينۋتىنا 90 سوزدەن ارتىق وقي المايتىن. الايدا, جۇيەلى جاتتىعۋلار مەن ۇستازىنىڭ قولداۋىنىڭ ارقاسىندا كورسەتكىشىن ەداۋىر جاقسارتتى. قازىر ونىڭ وقۋ جىلدامدىعى مينۋتىنا 16–17 مىڭ سوزگە جەتەدى.

اقپاراتتى جوعارى جىلدامدىقپەن قابىلداۋ ساميرگە ساباقتا وزىنە سەنىمدى بولۋعا جانە تەك گۋمانيتارلىق پاندەردە عانا ەمەس, ناقتى عىلىم پاندەرىندە دە جەتىستىككە جەتۋگە كومەكتەسۋدە. ول قالالىق جانە اۋداندىق وليمپيادالاردىڭ جۇلدەگەرى, ال 2023 جىلى مەكتەبىندە «جىل وقۋشىسى» اتاعىنا يە بولدى.

سامير سىنىپتاستارى اراسىندا ۇيىمشىل, ماقساتكەر جانە جاۋاپتى وقۋشى رەتىندە تانىمال. ول مەكتەپ ومىرىنە بەلسەنە ارالاسىپ, كوشباسشىلىق قابىلەتىن جانە وسۋگە دەگەن ۇمتىلىسىن كورسەتىپ ءجۇر. ونىڭ ايتۋىنشا, بولاشاقتا ەل يگىلىگى ءۇشىن قىزمەت ەتىپ, ءبىلىم, ونەر جانە سپورت سالالارىندا ءوزىن تانىتقىسى كەلەدى.