جاڭالىقتار
«موڭعوليادان كوشىپ كەلگەن. مۇعالىمدەر كومەكتەسكەن»: پاۆلوداردا 13 جاسىندا انا اتانعان وقۋشى قىز تۋرالى تىڭ دەرەك
فوتو: ءۆشىو دەرەككوز
پاۆلودار وبلىسىنداعى بالا قۇقىقتارى جونىندەگى ۋاكىل ساۋلە شاكەنەۆا الەۋمەتتىك جەلىدەگى جەكە پاراقشاسىندا وڭىردە 13 جاسىندا انا اتانعان وقۋشى قىزدىڭ وتباسى تۋرالى مالىمەت جاريالادى. ول قىزدىڭ وتباسى تۇراتىن گالكينو اۋىلىنا قر بالا قۇقىقتارى جونىندەگى ۋاكىلى زاكيەۆا دينارانىڭ تاپسىرماسى بويىنشا بارىپ قايتقانىن ايتادى.
بەلگىلى بولعانداي, وتباسى قازاقستانعا 2019 جىلى موڭعولياعا ەكى بالاسىمەن كوشىپ كەلگەن. موڭعولياعا گالكينو اۋىلىنا ولارعا دەيىن تۇراقتاعان تۋىستارى شاقىرعان.
«قازاقستاندا تاعى ءۇش بالا دۇنيەگە كەلدى. قازىر اناسى 2022 جىلى تۋعان بالا كۇتىمىمەن ۇيدە وتىر. اناسى وقي دا, جازا دا المايدى. قۇجاتتارعا تەك ءوز اتىن عانا جازا الادى. ال وتاعاسى 6 سىنىپتى عانا بىتىرگەن. ارنايى ماماندىعى جوق. مەكتەپتە پەش جاعۋشى بولىپ جۇمىس ىستەگەن. قازىر جۇمىس ىستەمەيدى. ۇلكەن قىزىنىڭ اياعى اۋىر ەكەنىن 2024 جىلى 3 ساۋىردە مەكتەپ مۇعالىمدەرىنەن ەستىگەن. ءدال سول كۇنى ۋزي-گە ءتۇسىرىپ, اقىرىندا اياعى اۋىر ەكەنى راستالعان. قىز بىردەن اۋداندىق اۋرۋحاناعا جاتقىزىلىپ, 19 شىلدەگە دەيىن سوندا جاتقان. اۋرۋحانادا مەكتەپ اكىمشىلىگى وقۋ جىلىنىڭ سوڭىنا دەيىن ونلاين فورماتتاعى وقۋ ۇيىمداستىرىلعان. اۋرۋحانادا جاتقان ءۇش اي ىشىندە ول قىز جاو مەن مەكتەپتىڭ پەدقۇرامىنىڭ جەكە قاراجاتى ەسەبىنەن كيىم, اياق كيىم, تۇتىناتىن جاتتار مەن ازىق-ت ۇلىكپەن قامتاماسىز ەتىلىپ وتىرعان. وقۋشى سالماعى 3360 گر بولاتىن قىزدى دۇنيەگە اكەلگەن. وبلىستىق پەرناتالدىق ورتالىقتان شىققان سوڭ ونىڭ قايدا تۇراتىنى شەشىلەتىن بولادى. سەكسۋالدىق زورلىق-زومبىلىق تۋرالى اناسى دا, اكەسى دە بىلمەگەن. قازىر ولار كۇدىككە ىلىنگەن تۋىستارىمەن ارا قاتىناستى ۇزگەنىن ايتادى», – دەلىنگەن جازبادا.
