Jańalyqtar
«Múftııatqa 200 myń dollar para daıyndaǵan»: Jýrnalıst bas múftıdi jumystan alastatýdy talap etti
Jýrnalıst Oraz Álimbek Múftııat qajylyqqa baratyn árbir adam úshin 500 AQSh dollarynan alǵanyn aıtty, dep habarlaıdy Qandastar.kz aqparat portaly avtordyń áleýmettik jelidegi paraqshasyna silteme jasap.
Onyń aıtýynsha, Múftııatqa beretini paranyń saldarynan qajylar ýaqytyly elge qaıta almaı, dalada qalǵan. Qoǵam belsendisi Múftııattyń kezekti keleńsiz áreketi týraly jazyp, bas múftıdi jumystan alastatýdy talap etti.
«Naýryzbaı О́tpenovti bas múftılikten qýyp, múftııatqa reforama jasaýdy talap etem»
Tómendegi mynaý vıdeoda «ZamZam Qazaqstan» týrıstik kompanııasynyń basshylary (dırektor Danııar Ilıev) múftııatqa 200 myń dollar para daıyndap jatqan kezi. 2023 jyly «ZamZam Qazaqstan» múftııattan 400 adamdy qajylyqqa aparyp kelýge rusat alady. Múftııat basshylyǵy Danııar Ilıevti ár qajy úshin 500 dollardan (200 myń dollar) para berýge májbúrledi. Sonyń kesirinen dırektor D.Ilıev 120 qajyny qajylaqtan elge alyp kele almaı qıyndyqqa tap boldy. Bul — qazaq qoǵamynda úlken daý-damaı týǵyzǵan oqıǵa. Bári osy jemqorlyqtyń quıtyrqy shemasynyń basynda turǵan bas múftı Naýryzbaı О́tpenovti emes, týrıstik bıznestegi Danııar Ilıevti aıyptap, oǵan qarsy qylmystyq is qozǵap, aqyry sottatyp tyndy»,- dep jazdy ol.
Onyń sózinshe, tergeý birjaqty júrgizilgen. Al, vıdeoda birneshe adam dollar toly sýmkany mýftııatqa daıyndap jatqanyn aıtqan.
«Árıne, onyń sottalýyna kúshtik qurylymdarmen «tonnyń ishk baıýyndaı» baılasyp ketken N.О́tpenovtiń de áseri zor boldy. Álide de dinı salada «aıran ishkender qutylyp, tek shelek jalaǵandar tutylyp» jatyr.Men bul oqıǵa jóninde jazdym jáne N.О́tpenovtiń Bas múftılikten qýyp, múftııatqa túbegeıli reforma jasaýdy eldiń saıası bıliginen talap ettim. О́kinishike oraı, elimizdiń ıdeologııalyq sektorynyń tikeleı qoldaýymen Naýryzbaı О́tpenov balamasyz negizde taǵy da 5 jylǵa bas múftı bolyp «saılandy». Musylmandardyń quryltaıy aldynda meniń 18 jyldyq Feısbýk paraqshamady múftııattan tapsyrma alǵan hakerler joıyp jiberdi… Munymen problema sheshilgen joq qoı. Ábden irip-shirigen múftııatqa dym bolmaǵandaı Naýryzbaı О́tpenov basshylyq jasap otyr», — dedi Oraz Álimbek.
Aıtýynsha, ákimdik ımamdarǵa arnap salyp bergen Qaraǵandydaǵy úıdi N.О́tpenov satyp jiberip, aqshasyn qaltasyna basyp alǵan.
«Ony qujatpen dáleldep berdim. Bas múftıdiń aımaqqa sapary úshin moldalardan mıllıondaǵan teńge jınaıtyny da naqty dálelmen jazyldy… Biraq osyndaı synnan múftııatta ta, Bas múftı N.О́tpenov te ońdy nátıje shyǵarǵan joq. Sebebi «Balyq basynan shirıdi». Mynaý Naýryzbaı О́tpenovti Bas múftılikten qýyp, múftııatqa túbegeıli reforma jasamaı din salasynda osyndaı bylyq-shylyq bola beredi, bola beredi, qoǵamnyń azǵyndaýy toqtamaıdy», — dedi ol.
