Múgedek jigitti birneshe ret zorlaǵan adam bostandyqta júrgeni ras pa?

Astanalyq áıel II toptaǵy múgedek ulynyń birneshe ret zorlanǵanyn aıtyp, kómek surady. Aıtýynsha, kúdikti onymen onlaın-oıyn arqyly tanysyp, birneshe márte úıine shaqyrǵan, dep habarlaıdy Qandastar.kz  saıty Skifnews.kz aqparat portalyna silteme jasap.

Qylmystyq is alǵashynda Nura aýdany polıııa bóliminde tergelip, ony jabýǵa áreket jasalǵan. Keıin is Astana qalalyq Polıııa departamentine berildi. Alaıda saraptama qorytyndysy daıyn bolýyna qaramastan, tórt aı boıy eshkim qamaýǵa alynbaǵan.

Zardap shekken jigittiń anasy osy oqıǵadan keıin ınsýlt alyp, tósekke tańylǵan. Al ulyna epılepsııa dıagnozy qoıylǵan.

Týystary tergeý qasaqana sozylyp jatyr dep sanaıdy jáne bul isti QR Ishki ister mınıstri Erjan Saparbekulynyń jeke baqylaýyna alýdy talap etedi.