Múgedektigi bar sportshyny alyp júretin adamnyń shyǵyndary bıýdjetten óteledi

Foto: freepik

Múgedektigi bar sportshyny alyp júretin adamnyń shyǵyndary bıýdjetten óteledi, dep jazdy qandastar.kz

Depýtattar zańdy ekinshi oqylymǵa daıyndaý kezinde osyndaı túzetýler engizdi. Qabyldanǵan norma birinshi toptaǵy múgedektigi bar sportshylardy jarysqa barý kezinde kómekshilermen qamtamasyz etý máselesin sheshedi. Ádette olardyń qasynda týystary, senimdi adamdar nemese áleýmettik qyzmetkerler júretin jáne olardyń jol júrý, turý shyǵyndary sportshylardyń jeke qarajatynan tólenetin, óıtkeni sport uıymdarynda tıisti ókilettikter bolmaǵan.

Jańa norma birinshi toptaǵy múgedek sportshylardyń kómekshileriniń shyǵyndaryn memleket tarapynan óteýge múmkindik beredi. Depýtattardyń pikirinshe, bul qazaqstandyq paralımpıadashylardyń moraldyq rýhyn kóterip, sporttyq kórsetkishterin jaqsartýǵa septigin tıgizedi.