Muqaǵalı Maqataevqa til tıgizgen bloger aqynnyń eskertkishi aldynda tizerlep keshirim surady

Ulysmedia kollajy

Bloger Álisher Temenov aǵattyq jibergenin moıyndady, dep habarlaıdy Ulysmedia.kz.

KEShIRIM SURAÝY

– Qazaq eliniń aldynda jasap qoıǵan úlken bir erkeligimdi arýaq keshirsin degen nıetpen dál qazir Muqaǵalı atamyzdyń úıiniń aldynda turmyn. Barsha qazaq elinen jasaǵan úlken qateligim úshin keshirim suraımyn, – deıdi Temenov.

О́zin rılsmeıker retinde tanystyryp júrgen Álisher Temenov jarnama jasaǵan kezde aqyn Muqaǵalı Maqataevqa til tıgizip, synǵa qalǵan.

– Muqaǵalı Maqataev jalpy “jalovatsıa” ete beretin sorly erkek bolady ǵoı – vot sondaı. “Búgin meniń týǵan kúnim oı páli-aı, myna adamdar nege jatyr toılamaı” deıdi. “Eı, sen bl… (bylapyt sóz) birinshi jasasańshy týǵan kúnińdi – sosyn baramyz ǵoı, – degen bloger jarnamasynda.

Keıin bul sózi úlken shý týǵyzyp, bloger keshirim suraý úshin aqynnyń aýylyna barýǵa májbúr bolǵan.