مۇناي تاسىمالىنان $1,3 ملرد تابىس ءتۇستى

ەلىمىز سوڭعى 10 جىل ىشىندە رەسەيدىڭ 91 ملن تونناعا جۋىق مۇنايىن قىتايعا ترانزيت ارقىلى تاسىمالداپ, 1 ملرد 327 ملن دوللار پايدا تاپتى.

قوس مەملەكەت اراسىنداعى بۇل كەلىسىمنىڭ مەرزىمىن تاعى 10 جىلعا ۇزارتۋ كوزدەلىپ وتىر. بىراق وسى جولى تۇسەر تۇپكى تابىس كولەمى 2 ملرد دوللارعا جۋىقتاپ قالۋى مۇمكىن, دەيدى سەناتورلار. حاتتامانى بەكىتۋ تۋرالى زاڭ بۇگىن سەنات وتىرىسىندا ءبىراۋىزدان ماقۇلداندى. سەرىك شايداروۆ, قر پارلامەنتى سەناتىنىڭ دەپۋتاتى: – بۇل جۇمىس مەملەكەت باسشىسىنىڭ 2023 جىلعى 17 مامىرداعى قىتايعا ساپارى جانە «ادىلەتتى قازاقستان» سايلاۋالدى باعدارلاماسىن ىسكە اسىرۋ جونىندەگى ءىس-شارالاردى ورىنداۋ اياسىندا جۇرگىزىلۋدە.

2024 جىلدان 2034 جىلعا دەيىنگى كەزەڭدە قازاقستان رەسپۋبليكاسى اۋماعى ارقىلى قىتايعا رەسەي مۇنايىنىڭ ءترانزيتى ءۇشىن 2 ۋچاسكە بويىنشا كۇتىلەتىن ءتۇسىم 1 ملرد 710 ملن دوللار. سونىمەن قاتار كەلىسىمدى ۇزارتۋ ارقىلى ومبى-پاۆلودار مۇناي قۇبىرىمەن تۇسەتىن مۇنايمەن پاۆلودار مۇناي-حيميالىق زاۋىتىن جۇكتەۋدى قامتاماسىز ەتەدى.