Munaı tasymalynan $1,3 mlrd tabys tústi

Elimiz sońǵy 10 jyl ishinde Reseıdiń 91 mln tonnaǵa jýyq munaıyn Qytaıǵa tranzıt arqyly tasymaldap, 1 mlrd 327 mln dollar paıda tapty.

Qos memleket arasyndaǵy bul kelisimniń merzimin taǵy 10 jylǵa uzartý kózdelip otyr. Biraq osy joly túser túpki tabys kólemi 2 mlrd dollarǵa jýyqtap qalýy múmkin, deıdi senatorlar. Hattamany bekitý týraly zań búgin Senat otyrysynda biraýyzdan maquldandy. Serik Shaıdarov, QR Parlamenti senatynyń depýtaty: – Bul jumys memleket basshysynyń 2023 jylǵy 17 mamyrdaǵy Qytaıǵa sapary jáne «Ádiletti Qazaqstan» saılaýaldy baǵdarlamasyn iske asyrý jónindegi is-sharalardy oryndaý aıasynda júrgizilýde.

2024 jyldan 2034 jylǵa deıingi kezeńde Qazaqstan Respýblıkasy aýmaǵy arqyly Qytaıǵa Reseı munaıynyń tranzıti úshin 2 ýchaske boıynsha kútiletin túsim 1 mlrd 710 mln dollar. Sonymen qatar kelisimdi uzartý arqyly Omby-Pavlodar munaı qubyrymen túsetin munaımen Pavlodar munaı-hımııalyq zaýytyn júkteýdi qamtamasyz etedi.