«Mundaı aýyr jaǵdaı eshkimniń basyna kelmesin»: Shavkat Rahmonovtyń qaryndasy málimdeme jasady

Shavkat Rahmonovtyń qaryndasy Sora Rahmonova jeńgesiniń jol apatyna túsýine qatysty áleýmettik jelide pikir bildirdi, dep habarlady Qandastar.kz

Sora Rahmonova jeńgesiniń jol apatynan jaqyn qurbylarynan aıyrylyp, ózi de jaraqat alǵanyn aıtyp ótti.

«Aǵamnyń otbasyndaǵy jaǵdaıǵa alańdap, habarlasyp jatqandarǵa Alla razy bolsyn! Mundaı aýyr jaǵdaı eshkimniń basyna kelmesin! Erteń ne bolaryn bir Alla biledi…

Jeńgeme Alla jar bolsyn! Eki birdeı jaqynynan aıyrylyp, ózi de jaraqat aldy.

Qaıtys bolǵan jandardyń ımany joldas bolsyn! Jandary jánnatta bolǵaı!» – dep jazdy Shavkat Rahmonovtyń qaryndasy.