“Myltyqpen eki ret atqan”. Áıelin synyptasynan qyzǵanyp, atyp óltirgen kúıeýi jaıly sumdyq derek shyqty

Foto: ashyq derekkóz

Qyrǵyzstannyń Osh oblysynda mektepti aıaqtaǵanyna 20 jyl tolýyn atap ótkennen keıin er adam áıelin atyp óltirgen dep habarlaıdy Qandastar.kz saıty týraly Azattyq Radıosyna silteme jasap.

Aldyn ala málimet boıynsha, qylmysqa qyzǵanysh sebep bolǵan. Kúdikti er adam qamaýǵa alyndy. Bes kámeletke tolmaǵan bala jetim qaldy.

Qaıtys bolǵan áıel — bes balanyń anasy bolǵan. Ol otbasymen birge Qara-Qulja aýdanyna qarasty Saı aýylynda turǵan. 26 mamyr kúni kúıeýimen birge mektep bitirgenderine 20 jyl tolýyn atap ótý úshin Úzgen aýdanynyń Alǵa aýylyna barǵan. Mekteptegi merekeden keıin erli-zaıypty úılerine oralyp, aralarynda janjal týyndaǵan. Janjal áıeldiń ólimimen aıaqtaldy.

Úzgen aýdanyna qarasty Alǵa aýylyndaǵy Kımsan Botobekov atyndaǵy orta mekteptiń dırektory Mırbek Abdýllaev ta 26 mamyr kúni ótken merekelik is-sharaǵa qatysqanyn aıtyp, eshqandaı erekshe jaǵdaı baıqamaǵanyn jetkizdi.

«Saǵat 9:00-de bastaımyz dedi, men 9:15-te bastadym, 11-de aıaqtadyq. 20 jyl buryn mektep bitirgen túlekter saltanatqa qatysty, eshqandaı másele bolǵan joq, ózim shyǵaryp saldym. Olar mekteptegi kezdesýden keıin birden ketip qaldy. Marqum óte sabyrly qyz edi, ata-anasy da eshkimge zııan keltiretin adamdar emes», — dedi Mırbek Abdýllaev.

27 mamyrda Osh oblystyq mılıııasy taratqan aqparatqa sáıkes, «Adam óltirý» baby boıynsha qylmystyq is qozǵalyp, kúdikti qamaýǵa alyndy.

«2024 jyldyń 26 mamyrynda Úzgen aýdandyq mılıııasyna Qara-Qulja aýdanynda turatyn 1987 jyly týǵan A.E. esimdi azamatshanyń alǵan jaraqattarynan aýrýhanaǵa bara jatqan jolda qaıtys bolǵany týraly aqparat tústi. Bul derek tirkelip, Qara-Qulja aýdandyq ishki ister bólimine joldandy. Jınalǵan materıaldardyń negizinde «Adam óltirý» baby boıynsha qylmystyq is qozǵaldy. Tergeý júrgizilýde. Áıeldiń kúıeýi, 1985 jyly týǵan A.B. kúdikti retinde ustalyp, ýaqytsha ustaý ızolıatoryna qamaldy», — delingen resmı habarlamada.

Marqum áıeldiń kenje sińlisi BBC-diń qyrǵyz qyzmetine bergen suhbatynda áıelge oq tıip,  qaza tapqanyn aıtty.

«Kúıeýi birge baryp, janynda turǵan. Internette tarap jatqan túrli qaýesetter shyndyqqa sáıkes kelmeıdi. Ápkem qyzǵanysh týǵyzatyndaı eshnárse istemegen. Eshkimniń qolynan ustap, qoltyqtasyp júrmegen, bı de bılemegen. Mekteptegi rásim aıaqtalǵan soń, olar birden úıge qaıtqan. 20 jyldyqty atap ótken soń, synyptastarymen eshqaıda barmaǵan. Oqıǵa keshke, olar úıge oralǵannan keıin bolǵan. Kúıeýi myltyqpen eki ret atqan, oq oń jaq keýde tusyna tıgen. Basy aman. Keıbireýler aıtyp júrgendeı, ony atpen súıregen degen sóz — jalǵan», — deıdi marqumnyń sińlisi.