«مىناۋ نە?»: جۋرناليست بالاباقشادا بەتاشار ۇيىمداستىرعان تاربيەشىلەرگە اشۋلاندى

فوتو: ۆيدەودان الىنعان كادر

سابيلەردى ۇيلەندىرگەن بالاباقشاعا ىزدەۋ سالىندى. الەۋمەتتىك جەلىدە بالاباقشا بالالارىنا بەتاشار ۇيىمداستىرعان تاربيەشىلەردىڭ بەينەجازباسى تارادى, دەپ حابارلايدى qandastar.kz  Skifnews.kz اقپارات پورتالىنا سىلتەمە جاساپ.

تاربيەشىلەر بالالارعا سالت-ءداستۇردى ۇيرەتۋ ماقساتىندا بەتاشار جاساعان بولۋى كەرەك. بەينەجازبادا كىشكەنتاي قىزعا اق ورامال جاۋىپ, سالەم سالعىزىپ جاتقانىن كورۋگە بولادى. اتالعان بەينەجازبانى جۋرناليست گۇلميرا ابىقاي ءوزىنىڭ جەلىدەگى پاراقشاسىندا جاريالاپ, بالاباقشا مەن ادىسكەرگە ىزدەۋ سالدى.

مىناۋ نە? باقشاعا ۇلگى بولار سالت-ءداستۇردىڭ ءبارى ءبىتىپ, ەندى كەلىن ءتۇسىرۋ عانا قالىپ پا ەدى? مەنىڭشە, دۇرىس ەمەس! وزدەرى ءالى انا ءسۇتى اۋزىنان كەپپەگەن بوبەكتەرگە وسى قاجەت پە? قاي باقشا, قاي ادىسكەر مۇنى ۇيىمداستىرىپ جۇرگەن????, – دەپ جازدى جۋرناليست.

جەلى قولدانۋشىلارى دا بالاباقشادا بەتاشار جاساپ, كىشكەنتاي قىزدى كەلىن بولۋعا ۇيرەتكەن تاربيەشى مەن بالاباقشا باسشىلىعىنا اشۋلاندى.