ءبىلىمجاڭالىقتار
ناعاشىلارى 13 جاسار قىزدى زورلاعان: قىز مەكتەپ پسيحولوگىنا بەلگى بەرگەن, الايدا جۇمىس جۇرگىزىلمەگەن
فوتو: اشىق دەرەككوز
جامبىل وبلىسىندا 13 جاسار قىزدى ناعاشىلارى ۇزاق ۋاقىت زورلاپ كەلگەن. بۇل تۋرالى قازاقستان رەسپۋبليكاسىنداعى بالا قۇقىقتارى جونىندەگى ۋاكىل دينارا زاكيەۆا حابارلادى, – دەپ جازادى qandastar.kz
«ءبىز وبلىستىق بالالار قۇقىقتارى جونىندەگى ۋاكىلمەن بىرلەسىپ, 6 جىل بويى ەكى اعاسى زورلىق-زومبىلىق كورگەن 13 جاسار قىزدىڭ ىسىمەن اينالىسىپ جاتىرمىز. قىلمىستىق ءىس قوزعالدى, قىز بەن ونىڭ اناسى قاۋىپسىز جەرگە جەتكىزىلدى, بارلىق قاجەتتى كومەك كورسەتىلۋدە», — دەدى دينارا زاكيەۆا.
ونىڭ ايتۋىنشا, وبلىس اكىمىنىڭ ورىنباسارى وتكىزگەن كوميسسيا وتىرىسىنىڭ قورىتىندىسى بويىنشا وبلىس اكىمىنىڭ ورىنباسارى, ديرەكتورعا قاتىستى شارا قولدانىلعان.
«بۇل – اۋىلداعى جالعىز مەكتەپ, قىز ساۋالنامادا پسيحولوگقا بەلگى بەرگەن, بىراق قاجەتتى جۇمىس جۇرگىزىلمەدى. مەن نەمقۇرايلىلىق ءۇشىن شەنەۋنىكتەردى جاۋاپقا تارتۋ ءۇشىن پروكۋراتۋراعا حابارلاستىم», – دەپ تولىقتىردى بالالار قۇقىقتارى جونىندەگى ۋاكىل (كتك).
