«ناعىز ەر ازامات ءوسىپ كەلەدى»: اناسىنىڭ بيىك وكشەلى اياقكيىمىن كيگەن بالا جەلى جۇلدىزىنا اينالدى

ۆيدەودان سكرينشوت

اناسىمەن اياقكيىم اۋىسىپ, بيىك وكشەلى اياقكيىمىن كيگەن بالانىڭ ارەكەتى جەلى قولدانۋشىلارىن ءتانتى ەتتى. بۇل تۋرالى Stan.kz اقپارات اگەنتتىگى حابارلايدى.

جەلىدە تاراعان ۆيدەو 2,5 ميلليونعا جۋىق قارالىم جيناعان.

«ەگەر ادام ساعان قامقور بولعىسى كەلسە, وزگەلەر نە ايتادى دەپ ويلامايدى دا. اناسى مەن ۇلىنىڭ اراسىنداعى كەرەمەت كورىنىس», – دەلىنگەن ۆيدەودا.

ۆيدەو استىنا پىكىر قالدىرعان وقىرماندار بالاعا جىلى لەبىزدەرىن ءبىلدىردى.

«بۇگىن كورگەن ەڭ تاماشا ۆيدەو», «ناعىز ەر ازامات ءوسىپ كەلەدى», كەزىندە مامامنىڭ اياعى قاجاپ, جانى شىعىپ كەتكەندە, اكەم ءوز اياق كيىمىن بەرگەن ەدى. ءوزى انامنىڭ بيىك وكشەسىن 3 ساۋساعىنا ءىلىپ العان. بۇل – قامقورلىق, بۇل – ماحاببات», «جىلاپ جىبەردىم», «بولاشاقتا جاقسى جار, جاقسى اكە بولارى ءسوزسىز», – دەپ جازدى جەلى قولدانۋشىلارى.