«Naǵyz zakazdyń tóresi Jaqsybek Kulekeevtiń isi» – Qaırat Kópbaev

Foto: ashyq derekkóz

Qorǵanys mınıstrligi Kadr departamentiniń eks-basshysy, burynǵy general-maıor Qaırat Kópbaev 100 myń dollar para aldy degen aıyppen jazyqsyz isti bolǵan memleket jáne qoǵam qaıratkeri Jaqsybek Kulekeevtiń isine qatysty Adal Adam Youtube arnasyna buryn aıtylmaǵan shyndyqty aıtty, – dep habarlaıdy qandastar.kz

«Men ol kúndi esimde saqtap qaldym. Bul oqıǵa 2008 jyldyń birinshi sáýirinde boldy. Jaqsybek Qulekeevtiń isin júrgizgen tergeý tobynda boldym. Biraq ustar aldynda 3-4 kólikpen bara jattyq. Saryarqa kópirinen ótip bara jatqanda meni jedel ister boıynsha basqa jaqqa jiberdi. Eki-úsh saǵattan keıin oralsam, qarasam, ishte Jaqsybek Qulekeev otyr eken. Ony tergegen tergeýshi ekeýmiz basynda birge júrdik, óıtkeni eń birinshi kúni tergeý amaldaryn jedel túrde ótkizý kerek. Sol tergeý jumystarynda kýágerlerden jaýap alyp, birge ótkizgenbiz. Biraq Qulekeevti basqa tergeýshi tergedi. Bul istiń qalaı bolǵanyn men bilemin. Meniń estýimshe, ol qańtar oqıǵasynyń aldyńda 10 shaqty kún buryn aqtaldy. Negizi ol qozǵalatyn is emes edi. Naǵyz «zakazdyń» tóresi osy Jaqsybek Qulekeevtiń isi. Men ol isti júrgizgen joqpyn. Biraq, tarıhyn bárin bastan-aıaq bilemin. Ony biz áý basta sotqa joldanatynyn jáne ol kisiniń sottalatynyn biletinbiz. О́ıtkeni tapsyrma sondaı boldy», – deıdi burynǵy general-maıor.

Qaırat Kópbaevtyń aıtýynsha, Jaqsybek Qulekeev jazyqsyz sottaldy.

«Túrmede buryn quqyq qorǵaý salasynda qyzmet etken azamattardy bólek jeke qapasta ustaıdy. Menimen birge 7 áskerı sheni joǵary adam otyrdy. Solar sózimdi dáleldep te bere alady. «Osy ómirde 2 adam kinásiz sottaldy. Birinshisi – Jaqsybek Qulekeev, ekinshisi – vıe-admıral Jandarbek Januzaqov» dep aıtqanmyn sol ýaqytta. Bul 2020 jyl edi. Jaqsybek Qulekeevtiń aqtalmaǵan kezi. О́ıtkeni men ol istiń tarıhyn, basty ınııatory kim ekenin, zakazchıgi kim ekenin, qansha sýmma bolǵanyn bilemin. Biraq atyn ataı almaımyn. Suhbattan keıin ózińe qulaǵyńa sybyrlap aıta alam», – dedi Qaırat Kópbaev.

Aıta keteıik, Qorǵanys mınıstrligi Kadr departamentiniń burynǵy bastyǵy general-maıor Qaırat Kópbaev 2020 jyly para alǵany úshin sottalǵan bolatyn. Alaıda ol úkimmen kelisken joq. Búginde kinásizdigin dáleldeý jolynda izdenip júr.