Nartaı Aralbaı: Erbaıanǵa, barlyq sarbazǵa qatysty tergeý ádil ótip, qoǵamǵa ashyq jetkizilý kerek

Foto: Májilistiń baspasóz qyzmeti

Jaýaptylar «Erbaıan dárethanaǵa qulap, jaraqattandy» deıdi. Buǵan kim senedi? Jaraqattyń saldarynan sarbazdyń basynyń jartysyn alyp tastaýǵa týra kelgen. Endi oǵan turaqty kútim qajet. 7 qyrkúıek kúni Aqtaýdaǵy gornızonda sarbaz Marat Barqulov esimdi baýyrymyz kóz jumdy. Ony ofıer atyp jibergen.

Májilis depýtaty Nartaı Sársenǵalıev áskerdegi álimjettik týraly aıtyp, dabyl qaqty. Onyń aıtýynsha, sońǵy úsh jylda 20 áskerı adam óz-ózine qol salýǵa oqtalǵan, dep habarlaıdy qandastar.kz   Skifnews.kz aqparat portalyna silteme jasap.

«Sońǵy úsh jylda Qazaqstanda 270 áskerı qyzmetker qaıtys bolǵan, al sońǵy tórt jylda áskerde 86 sýııd tirkelgen, 20 áskerı adam óz-ózine qol salýǵa oqtalǵan. Bul – áskerı prokýratýra málimdegen resmı san. 2023 jylǵy tamyzda áskerı bólimshelerdiń birinde komandır áskerge jańadan kelgen sarbazdy oryndyqpen uryp, soqqyǵa jyqqan. 2024 jyldyń maýsym aıynda Jambyl oblysynyń bir áskerı bólimshesinde áskerge kelgenine 1 aı bolǵan sarbaz es-tússiz jansaqtaý bólimine túsken. Al taıaýda bolǵan jaǵdaı búkil otandasymyzdyń ashý-yzasyn týǵyzdy. Ulttyq ulannyń jaýyngeri Erbaıan Muhtar basynan alǵan jarasynan bes aı boıy es-tússiz jatty. Jaýaptylar «Erbaıan dárethanaǵa qulap, jaraqattandy» deıdi. Buǵan kim senedi? Jaraqattyń saldarynan sarbazdyń basynyń jartysyn alyp tastaýǵa týra kelgen. Endi oǵan turaqty kútim qajet. 7 qyrkúıek kúni Aqtaýdaǵy gornızonda sarbaz Marat Barqulov esimdi baýyrymyz kóz jumdy. Ony ofıer atyp jibergen. Bul qasaqana jasalǵan áreket, joq pa? Atalǵan suraqtyń jaýabyn tergeý oryndary ádil zerttep, nátıjesin qoǵamǵa ashyq túrde jetkizýi kerek», — dedi N.Aralbaıuly Májilistiń jalpy otyrysynda Qorǵanys mınıstri Rýslan Jaqsylyqovtyń atyna joldaǵan saýalynda.