«Nátıje bolmady»: em qabyldap júrgen Juldyz Ábdýkárimova aýrýhanaǵa jatatynyn aıtty

Otandyq aktrısa Juldyz Ábdýkárimova aýrýhanaǵa jatatyn boldy. Bul týraly Qaırat Nurtastyń áıeli Instagram jelisindegi paraqshasynda jazdy,-dep habarlaıdy Qandastar.kz

Osyǵan deıin kúndizgi staıonarda em qabyldap júrgen Juldyz Ábdýkárimova esh nátıje bolmaǵanyn aıtty. Endi ol eki kún boıy tekseristen ótpek. «Keshi meni joǵaltyp aldyńyzdar ma? Em jalǵasýda. Bir apta kúndizgi staıonarda boldym. Nátıje bolmady. Aýrýhanaǵa jatý týraly sheshim qabyldandy. Sebebin anyqtaý stadııasyndamyz. Keshegi MRT nátıjesi boıynsha neırohırýrg dárigeri taǵy da tereń tekseris pen taldaý jasaý kerek ekenin aıtty.

Sol sebepti aýrýhanada jatyp emdeletin boldym», – dedi Juldyz Ábdýkárimova. Aktrısa bas aınalýy bolmasa, jaǵdaıy birqalypty ekenin de túsindirdi. «Qazir allegrııaǵa qarsy ekpe salyp, KT-ǵa alyp ketedi. Aýrýhanaǵa jatatynymdy bilgen soń úlken ápkem keldi. Balalarymdy tastaıtyn adam bolmady. Anam úıde joq. Sondyqtan senimdi adam kerek boldy. Al ol – meniń týǵan baýyrym.

Aman-esen aýrýhanadan shyqqan soń tanystyramyn. Ázirge mendegi jaǵdaı birqalypty. Birqalypty degen sebebim, aýyr belgileri ketkenimen, bas aýrýy, álsizdik, bas aınalýy qoımaı tur. Kúndizgi staıonardaǵy em qonbady. Sondyqtan tolyq zerttep, em sharalary men joldaryn aıtady. Endi eki kún boıy tekserilemin. Barshańyzǵa raqmet. Negizi aýyryp jatqan joqpyn, tek basym aınalady», – dedi ol.