“Naýqastyń aǵzasyn keskilep tastady”: Mańǵystaýlyq dáriger ota ústinde jasaǵan áreketi úshin tergelýde

Mańǵystaýlyq dáriger ota ústinde naýqastyń aǵzasyn keskilep tastaǵany úshin aıyp taǵylǵan, dep habarlaıdy Qandastar.kz “Informbıýro” jańalyqtar qyzmetine silteme jasap. Aýrýhana ákimshiligi bul isti bes kún boıy jaqyndarynan jasyryp kelgen.

Sumdyq jaǵdaı dárigerlerdiń aýdıo jazbasynan keıin ǵana áshkere boldy deıdi jubaıy. Jańaózendik Qanybek Quljanov bir aı buryn aıaq asty júregi aýyryp, aýrýhanaǵa túsedi. Dárigerler josparly ota jasaýǵa kirisedi. Biraq sol kirgennen bes kún jaqyndaryn jolatpapty. Araǵa apta ótkende ǵana jubaıyna dárigerdiń kúıeýi jaıynda kúdikti suraǵy kóbeıgen.

«Assısent vrach shaqyryp aldy. Apa ókpesi qaraıyp ketken dedi. Ne úshin qaraıǵan dedim? Ol temeki shege ma dep surady? Bir túrli, ár túrli suraqtar qoıdy. Qabyrǵasy maıysqan sportqa qatysqan ba dep surady? Jas kezinde qatysqan shyǵar ne boldy dedim”, – deıdi marqumnyń jubaıy Roza Dybysova.

Sóıtse, medıına mamandary búldirgen isin bildirmeý úshin bar jaǵdaıdy jasyrǵan eken deıdi jary. Naýqasqa qastandyq jasalǵanyn aýrýhana qyzmetkeriniń biri jaıyp saldy dep otyr marqumnyń áıeli.

«Apa osy sátti jınalysta kóterdik. Aǵaǵa qastandyq jasalyndy dedi. Reanımatolog vrach eken. Ne boldy degenimde, maǵan, men jańa jınalysta bastap aıttym, osyndaı qylmystyq is áreket boldy dep. Siz qalaı únsiz otyrsyz dep. Sóıtse onyń aýdıo zapısi bar jınalystyń”, – deıdi ol.

Osylaısha, Roza Dybysova basynda ókpesi qaraıǵan degeni kespeıtin jerdi tilgilep tesip jibergen deıdi. Sportpen aınalysa ma degeni de beker emes bolyp shyqty. Qabyrǵasyn kúshtep qısaıtqanyna senimdi. Al, kelinshektiń qolyna tıgen qupııa aýdıo jazba tipti shoshytady.

«Negizi qasaqana adam óltirý maqsatynda. Ishinde vrachtardyń aıtqan sózi bar. Kóp bolsa Mańǵystaýdyń bir adamy óledi. Nesine qınalasyń degen sózi bar. Men ony ótirik shyǵaryp turǵan joqpyn. Bizde aýdıo zapıs bar. Sonda bar ómirimizdi, Alladan keıin dárigerge tabystaımyz. Oǵan mundaı qastandyqqa qandaı kim quqyq berdi”, – deıdi Roza Dybysova.

Kardıohırýrgtiń mundaı jaǵdaıǵa ne úshin barǵanyn densaýlyq saqtaý basqarmasy aıta almady. Polıııa áıeldiń aryzynan keıin qylmystyq is qozǵaǵan.

«Medıınalyq kómekti tıisti deńgeıde kórsetpegeni boıynsha QR QK 317 baby, 2-shi bóligi abaısyzda densaýlyqqa aýyr zııan keltirý boıynsha dárigerge qatysty qylmystyq is qozǵaldy. Kináli adamdar zańda belgilengen tártippen jaýapkershilikke tartylatyn bolady”, – dep málimdedi Mańǵystaý oblysy polıııa departamenti aqparattyq saıasat bóliminiń bastyǵy Áıgerim Ibatýllaeva.

Qazir 56 jastaǵy naýqas jansaqtaý bóliminde jatyr. Jaǵdaıy áli aýyr. Al týystary gıpokrat antyna osyndaı opasyzdyq jasaǵan mamandy qasaqana adam óltirý baby boıynsha tergelýin talap etedi.