«Naýryz» jáne «Naýryz Jumysker» jańa turǵyn úı baǵdarlamalary qashan bastalady?

Lázzat Ibragımova 5 naýryzdan bastap bank portalynda «Naýryz» baǵdarlamasyna ótinim qabyldanatynyn málimdedi. Onyń aıtýynsha, oǵan barlyq qazaqstandyqtar, sonyń ishinde halyqtyń osal toptarynyń ókilderi, jas otbasylar, jumys isteıtin jastar, turǵyn úı tólemderin alatyn bank salymshylary, sondaı-aq qalalar men aýyldyq eldi mekenderdiń eńbekke qabiletti halqy qatysa alady. Bul rette qatysýshylardyń resmı tabysy bolýy tıis.

«17 naýryzda «Naýryz» baǵdarlamasynyń bir bóligi – «Naýryz Jumysker» baǵdarlamasy iske qosylady. Barlyǵy eki baǵdarlama qarastyrylǵan: «Naýryz» jáne «Naýryz Jumysker». Olardyń aıyrmashylyqtaryna toqtalyp ótsem. «Naýryz» baǵdarlamasy jas otbasylarǵa kóbirek baǵyttalǵan, onda barlyq ótinimder otbasybank.kz arnaıy portalynda qabyldanady, irikteý úlken konkýrs boıynsha ótedi. О́tinimderdi qabyldaý 31 naýryzǵa deıin jalǵasady. Irikteý kezindegi negizgi krıterıılerdiń birqatary – sońǵy 5 jyl ishinde turǵyn úıdiń bolmaýy jáne jınaqta qajetti somanyń bolýy», – dedi ol.

Zakon.kz jazǵandaı, jumysshy kadrlarǵa arnalǵan ıpotekalyq baǵdarlamaǵa qatysý úshin ótinimder banktiń fılıaldarynda qabyldanady.

«Proess kelesideı: qazirgi ýaqytta jumysshy mamandyqtary boıynsha jumys isteıtin adamdar basymdyqqa ıe bolady. О́tinimderdi qabyldaý naqty ýaqyt rejıminde júzege asyrylady – kimde-kim birinshi bolyp fılıalǵa júginse, birinshi bolyp páter tańdaý jáne nesıe resimdeý múmkindigin alady. О́tinim berý úshin jumys ornynan anyqtama qajet, onyń negizinde bank qyzmetkerleri uıymnyń PIN-kodyn jáne onyń salalyq tıesiligin tekseredi. Birinshi kezekte baǵdarlama taý-ken óndirý jáne óńdeý ónerkásibiniń barlyq salalaryndaǵy jumysshy mamandardy, sondaı-aq energetıka, kólik, aýyl sharýashylyǵy jáne sý resýrstary qyzmetkerlerine qoldaý kórsetedi», – dep túsindirdi Lázzat Ibragımova.
Artynsha ótinish berýshiniń mamandyǵy tekseriledi – baǵdarlamaǵa tek synama alýshylar, tehnıkter, tehnologtar, júrgizýshiler sııaqty jumysshy mamandyqtarynyń ókilderi ǵana qatysa alady. Osy uıymdarda jumys isteıtin, biraq keńse laýazymdaryn atqaratyn qyzmetkerler – keńse menedjerleri, PR-menedjerler, býhgalterler jáne t.b. baǵdarlamaǵa qatysa almaıdy.

«Salanyń PIN-kodyn, EQJJ (Ekonomıkalyq qyzmet túrleriniń jalpy jikteýishi) men mamandyǵyn teksergennen keıin ótinish berýshi páter tańdaı alady. Qaryzdyń maksımaldy somasy Astana men Almaty qalalary úshin 36 mln teńgeni, al qalǵan oblys ortalyqtaryna 30 mln teńgeni quraıdy. Satyp alynatyn turǵyn úı Baspana Market portalynda tańdalady, onda jyljymaıtyn múlik qunynyń negizsiz ósýin boldyrmaý úshin sharshy metrdiń baǵasy belgilenedi. Eger jumysshy, mysaly, temirjolshy Astanaǵa jaqyn №80, 90 nemese 96 razezd aýdanynda bolsa jáne bastapqy turǵyn úıi joq aýdan ortalyǵynda nemese monoqaladan turǵyn úı satyp alǵysy kelse, baǵdarlama qaıtalama naryqtaǵyny satyp alýǵa ruqsat beredi», – dep atap ótti «Otbasy banki» basshysy.

Eger páterdi qurylys salýshy árleýmen usynsa, onda bastapqy jarna turǵyn úı qunynyń 10%-na deıin tómendetiledi.