جاڭالىقتار
ناۋرىزباي تاعان ۇلىنا قاتىستى شۋ شىقتى
فوتو: قمدب
اكەسىن ۇرىپ ولتىرگەن سۇمدىق وقيعاعا بايلانىستى اقىت قاجى مەشىتىنىڭ باس يمامى جاناربەك مامبار پىكىر ءبىلدىردى. ول قازاقستان مۇسىلماندارى ءدىني باسقارماسىنا (قمدب) تۇبەگەيلى وزگەرىس قاجەت ەكەنىن ايتىپ, باس ءمۇفتي ناۋرىزباي تاعان ۇلىنا شۇيلىكتى, دەپ حابارلايدى qandastar.kz
يمامنىڭ ايتۋىنشا, جاستارعا دۇرىس رۋحاني تاربيە بەرىلمەۋىنىڭ جاۋاپكەرشىلىگى ءدىني باسقارمانىڭ باسشىلىعىندا.
«اكەسىن ۇرعان بالا ءۇشىن دە اللا الدىندا باس ءمۇفتي ناۋرىزباي تاعان ۇلى جاۋاپتى. بىراق ول جاۋاپكەرشىلىكتى ۇمىتقان. حالىقتىڭ سەنىمىن تاپتاپ, دۇمشەلىكتى جايلاتتى. باس مۇفتيلىككە لايىقتى ەمەس», – دەپ جازدى جاناربەك مامبار.
سونداي-اق ول مەملەكەت باسشىسى قاسىم-جومارت توقاەۆتىڭ جولداۋىندا جاستار تاربيەسىنە ەرەكشە توقتالعانىن اتاپ ءوتىپ, ءوز ۇندەۋىنىڭ قوعامعا وي سالۋىن قالاعانىن جەتكىزدى.
يمامنىڭ پىكىرىنشە, بولعان وقيعاعا بايلانىستى باس ءمۇفتي حالىقتان كەشىرىم سۇراپ, ورنىن بوساتۋى ءتيىس.
