جاڭالىقتار
نازارباەۆ استانانىڭ باس مەشىتىندە كوزگە ءتۇستى
قازاقستاننىڭ تۇڭعىش پرەزيدەنتى نۇرسۇلتان نازارباەۆ استاناداعى ورتالىق مەشىتكە باردى, دەپ حابارلايدى qandastar.kz Dalanews.kz-كە سىلتەمە جاساپ.
ۆيدەونى الەۋمەتتىك جەلىدەگى پاراقشاسىندا مەشىت ازانشىسى قۋانىش سەيىتحانوۆ جاريالادى. كادرلاردا نۇرسۇلتان نازارباەۆ كۇزەت قىزمەتكەرلەرىمەن بىرگە مەشىت ءىشىن ارالاپ جۇرگەنى كورىنەدى.
«21 ماۋسىمدا قر تۇڭعىش پرەزيدەنتى نۇرسۇلتان ءابىش ۇلى نازارباەۆ باس مەشىتكە كەلدى», — دەپ جازعان ول.
سونداي-اق, كادرلاردان نازارباەۆتىڭ مەشىتتەگى حالىقپەن تىلدەسكەنى دە كورىنەدى.
«امان بولىڭىز, دەنىڭىز ساۋ بولسىن! ءجۇز جاساڭىز!» — دەپ تىلەگەن حالىق ۆيدەودا.
ايتا كەتەيىك, بۇل مەشىتتى 2022 جىلى نۇرسۇلتان نازارباەۆتىڭ ءوزى اشقان بولاتىن.
ەسكە سالايىق, جۋىردا نۇرسۇلتان نازارباەۆ ماسكەۋگە جەكە شاقىرۋ بويىنشا باردى. ونىڭ بۇل ساپارى قوعامدا ءتۇرلى الىپ-قاشپا اڭگىمە, كۇمان-كۇدىك تۋىنا سەبەپ بولدى.
ال ەكس-پرەزيدەنتتىڭ ءباسپاسوز حاتشىسى ايدوس ۇكىبايدىڭ ايتۋىنشا, تۇڭعىش پرەزيدەنت الەمنىڭ بىرقاتار ەلىنىڭ كوشباسشىلارىمەن تەلەفون ارقىلى سويلەسىپ, حات الماسىپ, كەيدە جەكە كەزدەسىپ تۇرادى.
