Nazarbaev ýnıversıtetiniń stýdenti jataqhananyń terezesinen qulap ketti

Foto: 2GIS

Nazarbaev ýnıversıtetiniń stýdenti jataqhananyń terezesinen qulap ketti. Aqparatty ýnıversıtet ókilderi rastady, dep jazdy qandastar.kz

Bul týraly Stan.kz aqparat agenttigi habarlaıdy.

Qaıǵyly oqıǵa 15 tamyzda boldy, biraq aqparat 19 tamyzda ǵana paıda boldy. Jeli qoldanýshylary boıjetkenniń 22 jasta ekenin, onyń 12-qabattan sekirip ketkenin jazady.

Beıresmı derekkózder óz-ózine qol jumsaýǵa jeke qarym-qatynastar sebep bolýy múmkin deıdi. Iaǵnı oqý ornynyń esh qatysy joq.

«Bizdiń kampýs aýmaǵynda bolǵan qaıǵyly oqıǵa týraly ókinishpen habarlaımyz. Ýnıversıtet marqumnyń otbasy men jaqyndaryna kóńil aıtady. Biz tótenshe jaǵdaılar qyzmeti men quqyq qorǵaý organdaryn jumyldyrdyq. Qazir stýdentterge de, qyzdyń jaqyndaryna da psıhologııalyq qoldaý kórsetilip jatyr», – dep túsindirdi ýnıversıtet.

Astana polıııa departamenti bul oqıǵa boıynsha qylmystyq is qozǵalǵanyn habarlady. Polıeılerdiń málimetinshe, marqum 22 jasta jáne jataqhananyń 12-qabatynan qulap mert bolǵan.

«Oqıǵanyń barlyq mán-jaıyn anyqtaý boıynsha jumystar júrgizilip jatyr», – dep atap ótti departamentte.

Eske salsaq, buǵan deıin stýdent qyz QazUÝ rektoratynyń 14-qabatynan sekirip ketken edi. Al bir aı buryn Nazarbaev ýnıversıteti jataqhanasynan stýdenttiń máıiti tabylǵan edi.