نازارباەۆ: ءۇشىنشى دۇنيەجۇزىلىك سوعىس وركەنيەتىمىز ءۇشىن سوڭعى شايقاس بولۋى مۇمكىن

ءۇشىنشى دۇنيەجۇزىلىس سوعىس باستالىپ, جاپپاي جويۋ قۇرالى قولدانىلسا, بۇل وركەنيەتىمىز ءۇشىن سوڭعى شايقاس بولادى. مۇنداي پىكىردى قازاقستاننىڭ تۇڭعىش پرەزيدەنتى نۇرسۇلتان نازارباەۆ ايتتى, — دەپ حابارلايدى Tengrinews.kz تىلشىسى.

ء«ۇشىنشى دۇنيەجۇزىلىك سوعىس باستالىپ, جاپپاي جويۋ قۇرالى قولدانىلسا, بۇل وركەنيەتىمىز ءۇشىن سوڭعى شايقاس بولادى. قاقتىعىسسىز ءومىر ءسۇرۋ, قورقىنىشسىز ءومىر, ەرتەڭگى كۇنگە, بالالارىمىز بەن نەمەرەلەرىمىزدىڭ بولاشاعىنا دەگەن سەنىمگە مۇقتاجدىق بۇرىننان قالىپتاستى», — دەدى نازارباەۆ IV ەۋرازيا ەلدەرى پارلامەنتتەرىنىڭ سپيكەرلەرى جيىنىندا.

ونىڭ ايتۋىنشا, جەردىڭ بارلىق تۇرعىنى يادرولىق قارۋسىزداندىرۋمەن عالامدىق كۇرەسكە ارالاسىپ, عالامشارداعى ءومىردى قورعاۋعا بەلسەندى اتسالىسۋى كەرەك.

نازارباەۆ ەلدەردىڭ پارلامەنتەريلەرىن ساياساتكەرلەرگە ىقپال ەتۋگە شاقىردى.

«اقىر-اياعى, پارلامەنتارالىق وداق 1889 جىلى قۇرىلعان, بۇگىن وعان 130 جىل تولدى, 1919 جىلعى ۇلتتار ليگاسىنان دا ەرتەرەك قۇرىلعان. وداقتىڭ باستى ماقساتى ەلدەر اراسىنداعى ساياسي ديالوگقا جاردەمدەسۋ. دەپۋتاتتار ساياسي قىزمەتكەرلەرگە عالامشارىمىزدىڭ تاعى دا قاۋىپتى ايماقتا تۇرعانىن ماقساتتى تۇردە جەتكىزە ءبىلۋى كەرەك», — دەدى نازارباەۆ.

جيىن قازاقستاننىڭ تۇڭعىش پرەزيدەنتى — ەلباسى نۇرسۇلتان نازارباەۆتىڭ ەۋرازيالىق يدەياسىنىڭ 25 جىلدىعىنا ارنالعان.

ءتورتىنشى فورۋمنىڭ تاقىرىبى: «ۇلكەن ەۋرازيا: ديالوگ. سەنىم. سەرىكتەستىك».