Nazarbaev: Úshinshi dúnıejúzilik soǵys órkenıetimiz úshin sońǵy shaıqas bolýy múmkin

Úshinshi dúnıejúzilis soǵys bastalyp, jappaı joıý quraly qoldanylsa, bul órkenıetimiz úshin sońǵy shaıqas bolady. Mundaı pikirdi Qazaqstannyń Tuńǵysh Prezıdenti Nursultan Nazarbaev aıtty, – dep habarlaıdy Tengrinews.kz tilshisi.

«Úshinshi dúnıejúzilik soǵys bastalyp, jappaı joıý quraly qoldanylsa, bul órkenıetimiz úshin sońǵy shaıqas bolady. Qaqtyǵyssyz ómir súrý, qorqynyshsyz ómir, erteńgi kúnge, balalarymyz ben nemerelerimizdiń bolashaǵyna degen senimge muqtajdyq burynnan qalyptasty», – dedi Nazarbaev IV Eýrazııa elderi parlamentteriniń spıkerleri jıynynda.

Onyń aıtýynsha, Jerdiń barlyq turǵyny ıadrolyq qarýsyzdandyrýmen ǵalamdyq kúreske aralasyp, ǵalamshardaǵy ómirdi qorǵaýǵa belsendi atsalysýy kerek.

Nazarbaev elderdiń parlamenterıılerin saıasatkerlerge yqpal etýge shaqyrdy.

«Aqyr-aıaǵy, parlamentaralyq odaq 1889 jyly qurylǵan, búgin oǵan 130 jyl toldy, 1919 jylǵy Ulttar lıgasynan da erterek qurylǵan. Odaqtyń basty maqsaty elder arasyndaǵy saıası dıalogqa járdemdesý. Depýtattar saıası qyzmetkerlerge ǵalamsharymyzdyń taǵy da qaýipti aımaqta turǵanyn maqsatty túrde jetkize bilýi kerek», – dedi Nazarbaev.

Jıyn Qazaqstannyń Tuńǵysh Prezıdenti – Elbasy Nursultan Nazarbaevtyń eýrazııalyq ıdeıasynyń 25 jyldyǵyna arnalǵan.

Tórtinshi forýmnyń taqyryby: «Úlken Eýrazııa: Dıalog. Senim. Seriktestik».