“Ne úshin berýim kerek?”: qaıyrymdylyq qordyń basshysy emge aqsha bermeıtinin aıtty

Foto: vıdeodan skrın

Áleýmettik jelide qazaq_robin_hood laqap atymen tanymal Ilııas Sarıev ózine taǵylǵan aıyptyń bárin jalǵanǵa shyǵardy, dep jazdy qandastar.kz bugin.kz-ke silteme jasap.

Buǵan deıin «Elge kómek” qaıyrymdylyq qorynyń basy daýǵa qalǵan edi. Qazaqstannyń ár aımaǵynynan Ilııasqa “aldanǵandar” áleýmettik jelide vıdeo jarııalaǵan. Al Ilııas bul málimettiń bárin joqqa shyǵardy.

“Jasaǵan jaqsylyǵym kóp qoı. Unamaǵan 4-5 adamnyń áńgimesi, munyń bári. Aǵaıyn-týysyna unamaǵan shyǵarmyn. Biraq meniń istep jatqan jumystarym óte kóp”- dep jaýap berdi qor jetekshisi.

Jýrnalıst Gúlmıra Ábiqaı Ilııastan aqsha ala almaǵan taǵy bir kelinshektiń vıdeosyn kórsetip, emniń aqshasyn nege bermegenin surady.

“Ol aqshany ne úshin aýdarýym kerek? О́zimde turady aqsha. Balanyń emine áli eshteńe istelip jatqan joq. Ne úshin aýdarýym kerek?”, – dep jaýap berdi Ilııas.