نەگىزسىز جانار-جاعارماي باعاسىن قىمباتتاتۋ جالعاسۋدا

«ادىلدىك جولى» رقب تۇركىستان قالاسى فيليالىنىڭ سىبايلاس جەمقورلىققا قارسى كۇرەس اياسىنداعى مونيتورينگ ناتيجەسىندە «ساناتوري ارمان» اق-ى «AiS-OiL» جەكە كاسىپكەرىنەن جوعارى باعامەن جانار-جاعارماي الىپ, نەگىزسىز ارتىق تولەۋ سوماسى 1 366 400 تەڭگە قۇراعانى انىقتالدى.

ەسكە سالا كەتۋ كەرەك, ەنەرگەتيكا ءمينيسترىنىڭ م.ا. وسى جىلدىڭ 06 قاڭتار كۇنگى №2 بۇيرىعى بويىنشا اي-92 ماركالى بەنزيننىڭ شەكتى باعاسى 182 تەڭگە (ققس قوسا ەسەپتەگەندەگى باعاسى) دەپ كورسەتىلگەن. الايدا, 03 اقپان «ساناتوري ارمان» «AiS-OiL» جەكە كاسىپكەرمەن كەلىسىم-شارت ءتۇزىپ, 8 646 400 تەڭگەگە 40 000 ليتر اي-92 ماركالى بەنزيندى ساتىپ الۋعا تاپسىرىس بەرگەن. ياعني, شەكتى قۇنى 182 تەڭگە جاعارمايدىڭ ءليترىن 216,16 تەڭگەگە العان.

(https://www.goszakup.gov.kz/ru/egzcontract/cpublic/show/14465427)

ناتيجەسىندە نەگىزسىز ارتىق سوما 1 366 400 تەڭگەنى قۇراعان.

قر-نىڭ «سىبايلاس جەمقورلىققا قارسى ءىس-قيمىل تۋرالى» زاڭىنىڭ 7,20,21-باپتارىندا بيۋدجەت قاراجاتىن باسقارۋ جانە سىبايلاس جەمقورلىققا قارسى ءىس-قيمىل سالاسىنداعى مەملەكەتتىك ساياساتتىڭ مىندەتتەرىنىڭ ءبىرى – بيۋدجەت قاراجاتىن ۇنەمدەۋ جانە ءتيىمدى جۇمساۋ بولىپ تابىلادى دەپ كورسەتىلگەن.

وسىلايشا, «ساناتوري ارمان» اق-ى جاعارمايدى مەملەكەتتىك رەتتەۋ باعاسىنان جوعارى باعامەن ساتىپ الۋ ارقىلى «مەملەكەتتىك ساتىپ الۋ تۋرالى» زاڭىمەن قوسا ەنەرگەتيكا مينيسترلىگىنىڭ بۇيرىعىنا تەرىس ارەكەت ەتكەنى انىقتالدى.

انىقتالعان فاكت بويىنشا, 24 اقپان تابيعي مونوپوليالاردى رەتتەۋ دەپارتامەنتىنە حات جولدانىپ, جاۋاپتىلاردى اكىمشىلىك جاۋاپكەرشىلىككە تارتۋ تۋرالى ءوتىنىش بىلدىردىك. مۇنىمەن قاتار, كەلىسىم-شارتتاعى باعانى تومەندەتۋ جانە قاراجاتتى ۇنەمدەۋ ماقساتىندا ىشكى مەملەكەتتىك اۋديت دەپارتامەنتىنە حات جولدايمىز. 

امانگەلدى قالىبەك

«ادىلدىك جولى» رقب تۇركىستان ق. فيليال جەتەكشىسى