Negizsiz janar-jaǵarmaı baǵasyn qymbattatý jalǵasýda

«Ádildik joly» RQB Túrkistan qalasy fılıalynyń sybaılas jemqorlyqqa qarsy kúres aıasyndaǵy monıtorıng nátıjesinde «Sanatorıı Arman» AQ-y «AiS-OiL» jeke kásipkerinen joǵary baǵamen janar-jaǵarmaı alyp, negizsiz artyq tóleý somasy 1 366 400 teńge quraǵany anyqtaldy.

Eske sala ketý kerek, Energetıka mınıstriniń m.a. osy jyldyń 06 qańtar kúngi №2 buıryǵy boıynsha AI-92 markaly benzınniń shekti baǵasy 182 teńge (QQS qosa eseptegendegi baǵasy) dep kórsetilgen. Alaıda, 03 aqpan «Sanatorıı Arman» «AiS-OiL» jeke kásipkermen kelisim-shart túzip, 8 646 400 teńgege 40 000 lıtr AI-92 markaly benzındi satyp alýǵa tapsyrys bergen. Iaǵnı, shekti quny 182 teńge jaǵarmaıdyń lıtrin 216,16 teńgege alǵan.

(https://www.goszakup.gov.kz/ru/egzcontract/cpublic/show/14465427)

Nátıjesinde negizsiz artyq soma 1 366 400 teńgeni quraǵan.

QR-nyń «Sybaılas jemqorlyqqa qarsy is-qımyl týraly» zańynyń 7,20,21-baptarynda bıýdjet qarajatyn basqarý jáne sybaılas jemqorlyqqa qarsy is-qımyl salasyndaǵy memlekettik saıasattyń mindetteriniń biri – bıýdjet qarajatyn únemdeý jáne tıimdi jumsaý bolyp tabylady dep kórsetilgen.

Osylaısha, «Sanatorıı Arman» AQ-y jaǵarmaıdy memlekettik retteý baǵasynan joǵary baǵamen satyp alý arqyly «Memlekettik satyp alý týraly» zańymen qosa Energetıka mınıstrliginiń buıryǵyna teris áreket etkeni anyqtaldy.

Anyqtalǵan fakt boıynsha, 24 aqpan Tabıǵı monopolııalardy retteý departamentine hat joldanyp, jaýaptylardy ákimshilik jaýapkershilikke tartý týraly ótinish bildirdik. Munymen qatar, kelisim-sharttaǵy baǵany tómendetý jáne qarajatty únemdeý maqsatynda Ishki memlekettik aýdıt departamentine hat joldaımyz. 

Amangeldi Qalybek

«Ádildik joly» RQB Túrkistan q. Fılıal jetekshisi