«Nıkabyn sheshti»: Zańger saqaldylardan qorlyq kórgen qyzdyń qazirgi jaǵdaıyn baıandady

Kollaj: Sn.kz

Buǵan deıin zańger, qoǵam belsendisi Aıgúl Orynbek 13 jasynan tósek qatynasyna túsken, saqaldylardan qorlyq kórgen qyz týraly baıandaǵan edi. Bul joly zańger qyzdyń jaǵdaıy jaqsaryp, qalypty ómirge beıimdele bastaǵanyn aıtty, dep habarlaıdy  qandastar.kz Skifnews.kz aqparat portalyna silteme jasap.

Aıgúl Orynbek bul týraly áleýmettik jelidegi paraqshasynda jazdy. Onyń jazýynsha, qazir Aısha arnaıy bir ortalyqta turyp jatyr.

«Aısha qyzdyń ómirine alańdap jazyp jatqandar kóp.

Aısha nıkabyn sheshti. Ápke retinde  alǵashqy ashyq tústi kóılegi men  oramalyn alyp berdim.

Aısha qazir ortalyqqa ornalastyryldy. Jeke basyna qaýip tónbes úshin, qandaı ortalyq ekenin ashyq jazbaımyn. Eń bastysy Aısha men elimizge tanymal  myqty mamandar ózimniń teolog aǵaılarym jumys istep jatyr. Ortalyqtyń  psıhologtaryna alǵys bildirgim keledi.

Bir adamnyń ómirin, kózqarasyn  ózgertýge qanshama adam osylaı birlesip jumys istep jatyrmyz!», – dep jazdy ol.