OIYL AÝDANYNDA QALQYMALY KО́PIR ORNATYLADY

Aqtóbe oblysynyń Oıyl aýdanynda ýaqytsha qalqymaly kópir ornatylatyn boldy.

Bul týraly búgin respýblıkalyq shtab otyrysynda Tótenshe jaǵdaılar mınıstri Shyńǵys Árinov aıtty. Topan sý asfalt jolyn shaıǵandyqtan óńirdiń 15 myń turǵyny oblys ortalyǵynan oqshaý qalyp, kólik qatynasy qıyndaǵan edi. Qorǵanys mınıstrligine tıesili ınjenerlik qurylǵy Almaty oblysynan jetkiziledi. Shyńǵys Árinov, QR Tótenshe jaǵdaılar mınıstri: — Bul kólik qatynasy máselesin ýaqytsha sheshý joly. Turǵyndar azyq-túlik jáne dári-dármek sııaqty qajetti taýarlarmen der kezinde qamtamassyz etiledi.

Jol jóndelgenshe osy kópirdi paıdalanady. Jalpy elimizdiń 6 oblysynda jaǵdaı áli de bolsa kúrdeli. 1300-den astam baspana sýǵa ketken. Premer-mınıstrdiń orynbasary Qanat Bozymbaev tilsiz jaýdan zardap shekken árbir aýylǵa qajetti azyq-túlik pen ózge de buıymdardy jetkizý uıymdastyrylǵanyn aıtty. Al qaterli aımaqtardan adamdardy evakýaııalaý jumystary úzdiksiz júrgizilip jatyr. Qanat Bozymbaev el tóńireginde sý tasqynynyń beti qaıta qoımaǵanyn aıtyp, Shyǵys pen Soltústik Qazaqstan oblystaryna daıyndyqty kúsheıtý kerektigin eskertti. Qanat Bozymbaev QR Premer-mınıstriniń orynbasary: — Taıaýda elimizde jaýyn-shashyn bolyp, aýa-raıy kúrt jylynyp ketýi múmkin, bul ásirese ortalyq jáne soltústik Qazaqstanda qardyń jyldam erýine túrtki bolady. Sáıkesinshe ózen-kólder tolyp, eldi mekenderge qaýip tónýi múmkin. Osyǵan baılanysty óńirlerdiń ákimdikteri qaýipsizdikti qamtamasyz etýi tıis.