وكىنىپ كەشىرىم سۇرادى, ولار ۇيقاماقتا: 1000 ادام زورلاعان قىزىلوردالىق قىزدىڭ ىسىنە قاتىستى تىڭ اقپارات شىقتى

فوتو: اشىق دەرەككوز

قىزىلوردادا جىنىستىق قۇلدىقتا بولعان 16 جاستاعى قىزدىڭ ىسىنە قاتىستى تىڭ اقپارات شىقتى, دەپ حابارلايدى qandastar.kz KYN.KZ سايتىنا سىلتەمە جاساپ. 

بۇل تۋرالى ادۆوكات «قازاقستان» ۇلتتىق تەلەارناسىنا بەرگەن سۇحباتىندا باياندادى.

ايتۋىنشا, «نە مولچي KZ» قورىنىڭ جەتەكشىسى دينا ءتاڭسارى حابارلاسىپ, تولىق ءمان-جايدى ايتىپ كومەك سۇراعان ەكەن.

«ءبىز قىزىلورداعا بارىپ, قىزدىڭ وزىمەن جانە اناسىمەن كەزدەستىك. ورىن العان وقيعا بويىنشا سۇراپ بىلدىك. ءبىز ىسكە قاتىسىپ باستاعانىمىزدا نەگىزگى 3 ايىپتالۋشىعا ۇيقاماق جازاسى تاعايىندالعان بولاتىن. بىراق ءبىز اپەللياتسيالىق شاعىم ءتۇسىرىپ, ولار سوت زالىنان قاماققا الىندى. قازىر بۇل ءىس بويىنشا 5 ۇكىم شىقتى. ول زاڭدى كۇشىنە ەندى», – دەيدى ول.

كەلەسى سوت وتىرىسى قاڭتار جانە اقپان ايىنىڭ باسىندا باستالاتىنىن اتاپ ءوتتى.

«قالعان 8 ايىپتالۋشىعا قاتىستى ءىس پروكۋراتۋراعا جولداندى. ودان كەيىن سوتقا جولدانادى. قاڭتار ايى نەمەسە اقپان ايىنىڭ باسىندا سوت وتىرىستارى باستالادى. سوتتالۋشىلار سانى — قازىرگى تاڭدا 13 ادام. ونىڭ ىشىندە بەسەۋى كامەلەت جاسىنا تولماعان ايىپتالۋشى بار», – دەيدى گۇلايحان تۋرسۋمانوۆا.

ادۆوكات جابىرلەنۋشىنىڭ ەمحاناعا جاتىپ, ەم الىپ شىققانىن ايتتى.

«قورعاۋشىم نەۆرولوگيالىق ەمحاناعا جاتىپ, ەم قابىلداپ جاتىر. سوتتالۋشىلاردىڭ اراسىندا تەك بىرەۋى عانا ءوزىنىڭ كىناسىن تولىق مويىنداپ وتىر. ىستەگەن ىسىنە وكىنىپ, كەشىرىم سۇراعان جالعىز ادام سول. قالعاندارى كەشىرىم سۇرامادى. زاڭ بويىنشا نەگىزگى ايىپتالۋشىلار كامەلەت جاسقا ءالى تولماۋىنا بايلانىستى 6 جىلدان كوپ مەرزىمگە سوتتالا المايدى», – دەيدى ادۆوكات.