«О́kpesi tesilgen»: eks-polıeı kóligimen basyp ótken balanyń jaǵdaıy belgili boldy

Almaty oblysy Qarasaı aýdany Kókózek aýylynda eks-polıeı kóligimen basyp ketken balanyń jaǵdaıy óte aýyr. Bul týraly Sputnik Qazaqstan tilshisine balanyń ákesi aıtty.

Tapa-tal túste kóliktiń astynda qalǵan 7 jastaǵy Janarys Tólenniń jaǵdaıy óte aýyr. Ony 42 jastaǵy burynǵy polıııa qyzmetkeri kóligimen basyp ótip ketken. Balany qaqqan boıda ol oqıǵa ornynan izin sýytqan.

«Balamnyń jaǵdaıy óte aýyr. Jansaqtaý bóliminde jatyr. Eki ret ota jasaldy, sodan ońalmaı tur. Baýyry ezilip, ókpesi eki jerden tesilgen», — deıdi balanyń ákesi Erkin Qalyqbaev.

Kúdikti sol Kókózek aýylynda ýchaskelik polıııa ınspektory bolyp istegen. Keıingi kezderi mas kúıde júretin. Oqıǵa bolǵan kúni de mas bolǵan, deıdi balanyń ákesi.

«Qaskeleńdik dárigerler oblystyq balalar aýrýhanasyna aýystyramyz dep sol jaqqa suranys jiberip qoıdy, biraq oblystyq balalar aýrýhanasy áli jaýap qatpady. Balamnyń ókpesine eki jerine zont qoıǵan. Aıaq-qoly synbaǵan sııaqty, biraq qozǵala almaıdy. Balam kózin ashady, biraq til joq», — deıdi Erkin Qalyqbaev.

Janarys otbasyndaǵy tórt balanyń úshinshisi. Ata-anasy jeke kásippen aınalysady. Talapty bala taekvandomen aınalysqan. Tipti talaı ret jeńisti qanjyǵasyna baılaǵan.

Almaty oblystyq polıııa departamenti ýchaskelik polıeı oqıǵa bolardan buryn jumystan shyǵarylǵanyn aıtady.

Jedel-izdestirý is sharalary barysynda Lexus RX 300 avtokóliginiń 42 jastaǵy júrgizýshisi ustaldy. Kúdikti ýaqytsha ustaý ızolıatoryna qamaldy.

«Atalǵan azamat polıııa qyzmetkeri emes, ol jol apatynan buryn teris sebeptermen jumystan shyǵarylǵan. Bul fakt boıynsha tergeý júrgizilip jatyr», — deıdi vedomstvo.

Eske sala keteıik, 4 shildede velosıped mingen balany Lexus RX 300 kóligi artqa júrip kele jatyp, basyp ótti. Júrgizýshi qaıyrylyp toqtamaǵan kúıi oqıǵa ornynan izin sýytty. Oǵan dereý izdeý jarııalandy. Al bir kún ótken soń balany qaqqan júrgizýshiniń kim ekeni anyqtalyp, qolǵa tústi. Ol burynǵy polıııa qyzmetkeri bolyp shyqty.